Resmı derek boıynsha elimizde jyl saıyn otbasyndaǵy zorlyq-zombylyqtan kóz jumatyn áıelder sany jyl saıyn orta eseppen 400 adamnan asady.Joǵaryda atalǵan statıskany eskere otyra, ál-Farabı atyndaǵy Qazaq ulttyq ýnıversıtetiniń zań fakúlteti azamattyq quqyq, jáne azamattyq is júrgizý, eńbek quqyǵy kafedrasynyń bilim alýshylarymen Turaqty damý maqsattarynyń 5-maqsaty «genderlik teńdik» sheńberinde dóńgelek ústelde talqyǵa saldyq.
Bul resmı statısıka, al beıresmı odan da kóp bolýy múmkin. Turmystyq zorlyq-zombylyq problemalary qoǵam úshin ózekti máselege aınaldy. Elimizdiń Prezıdenti byltyrǵy Joldaýynda áıelderge qarsy turmystyq zorlyq-zombylyq úshin jazany qatańdatýdy mindettedi. Osy oraıda balalar quqyǵyn qorǵaý jáne turmystyq zorlyq-zombylyqqa qarsy is-qımyl basym bolýy qajet. Qazirgi kezde Májiliste «Otbasylyq-turmystyq zorlyq-zombylyqqa qarsy is-qımyl týraly» jáne «Qazaqstan Respýblıkasynyń keıbir zańnamalyq aktilerine otbasylyq-turmystyq zorlyq-zombylyqqa qarsy is-qımyl máseleleri boıynsha ózgerister men tolyqtyrý engizý týraly» zań jobalary qaralyp jatqanyn barshaǵa málim.Dóńgelek ústel barysynda stýdentter oıyn ashyq jetkizdi:
-Qoldanystaǵy zańǵa sáıkes, turmystyq zorlyq-zombylyqqa jol bermeýge jaýapty ýákiletti organ joq. Sol sebepti bul baǵyttaǵy jumys shashyrańqy júrip jatyr. Osyǵan baılanysty, azamattardyń quqyqtaryn qorǵaýdy qamtamasyz etý jáne otbasylyq turmystyq zorlyq-zombylyqqa qarsy is-qımyldyń tıimdi tetikterin ázirleý qajettigin aıtyp ótti.
-Otbasyndaǵy zorlyqtyń san túri bar. Ol tipti otbasyn qurǵan sátte de bastalýy múmkin. Mysaly BUU boıynsha Ortalyq Azıada qyzdyń óz erkinen tys, kelisiminsiz alyp qashý faktileri jıi kezdesetini aıtylady. Kórshiles Qyrǵyzstan bul qylmystan kósh bastap tur. Qazaqstanda da bul faktiler bar. Tipti ómirge ul bala kelmegeni úshin, tamaqtyń dámsiz bolǵany úshin, erte uıqydan turmaǵany úshin de jaryna zorlyq kórsetetin otbasylar bar. Bul tym qarapaıym taqyryp bolýy múmkin, biraq onyń artynda taǵdyrlar jatyr.
-Zorlyq zombylyq jasaýǵa birneshe negizgi sebepter bar. Eń qarapaıymdary – ishimdikke, nashaqorlyqqa, qumar oıyndarǵa táýeldilik zorlyq-zombylyqqa ıtermeleıdi. Alaıda, statısıkaǵa sáıkes otbasylyq janjaldarǵa basqa da sebepter áser etip jatady.
Dóńgelek ústel barysynda barlyq stýdentter tyńdalyp,oı bólisip,pikir almastyq.Sóz sońynda aıtpaǵym,Qazaqstan álemniń órkenıetti elderi ispettes, damýdyń dańǵyl jolyna túsýdi maqsat etken memleket. Ol úshin túrli zańnamalardy jetildirý men árqashan izdenis ústinde bolý mańyzdy. Damyǵan memleketter úshin eń mańyzdy qundylyq adam bolyp tabylady. Onyń ishinde adamnyń bilim alý, densaýlyǵyn kútý, ózin damytý men baqytty bolýyna tıisti faktorlar eskerilýi tıis. Ol otbasylyq zorlyq-zombylyqty azaıtýǵa da tikeleı baılanysty.
Abıkenov A.A
ál-Farabı atyndaǵy QazUÝ-dyń zań fakúlteti azamattyq quqyq jáne azamattyq is júrgizý,eńbek quqyǵy kafedrasynyń dosenti,z.ǵ.k
Ómirtaı Roza
ál-Farabı atyndaǵy QazUÝ-dyń zań fakúlteti azamattyq quqyq jáne azamattyq is júrgizý,eńbek quqyǵy kafedrasynyń aǵa oqytýshysy,z.ǵ.k. advokat
.
