Túrkiianyń maqta-jip jáne kiim-keshek eksporty báseńdedi
Túrkiia tekstil jáne kiim indýstriiasy ministri (TGSD) Sheref Faiat kiim-keshek jáne mata óndiretin firma basshylaryna sala jinalysynda eskertý jasady. Eksportqa shyǵarý isinde taýardy saqtandyrý kerektigin jáne syrtqy elderdiń ekonomikalyq jaǵdaiyn eskerýin aitty. Áitpese birsátte qarjylai toqyraýǵa ushyraýy múmkin ekendigin tilge tiek etti.
Sondai-aq, Sheref Faiat sala jinalysynda mynalardy aitty. «Túrkiianyń tekstil sektory byltyrǵy jyly 18,7 million paida tapty. Al, biylǵy jyldyń alǵashqy tórt aiynda ótken jylmen salystyrǵanda sektordyń paidasy aitarlyqtai azaiyp ketkenin kórip otyrmyz. Kórshi memlketterde bolyp jatqan jaǵdailar sektorǵa áser etýde. Eldiń eksporttan túsetin paidasynyń 12 paiyzy kiim-keshek pen mata ónimderinen quralady. AQSh pen Qytaidan keiingi, eń úlken tekstil men kiim eksporttaýshy memlektpiz», - dedi.
Túrkiia eksporttyq taýarlardy saqtandyrý uiymynyń basshysy (Coface) Belkis Alpergýn «Matanyń 52 paiyzyn, kiim-keshektiń 75 paiyzyn Eýropaǵa eksporttap otyrmyz. Álemdik qalyptasqan jaǵdaiǵa daiyn bolý kerek. Naryqqa boljam jasaý qiyn. Biraq endigi bizdiń maqsatymyz Soltústik Amerika naryǵyna kirý» dedi.
Nazar Turyqbaiuly
