تۇركيا تەكستيل (ءماتا-جىپ) مەن كيىم-كەشەك سەكتورىنداعى ەكسپورتتىق پايداسى بىلتىرعى جىلمەن سالىستىرعاندا ايتارلىقتاي باسەڭدەدى. رەسەيدەگى ەكونوميكالىق داعدارىس، ۋكرايناداعى جانجالدار، يراك پەن سيرياداعى سوعىستار، تۇركيانىڭ تەكستيل مەن كيىم كەشەك ونىمدەرى ەكسپورتىن ازايتتى.

تۇركيا تەكستيل جانە كيىم يندۋسترياسى ءمينيسترى (TGSD) شەرەف فايات كيىم-كەشەك جانە ماتا وندىرەتىن فيرما باسشىلارىنا سالا جينالىسىندا ەسكەرتۋ جاسادى. ەكسپورتقا شىعارۋ ىسىندە تاۋاردى ساقتاندىرۋ كەرەكتىگىن جانە سىرتقى ەلدەردىڭ ەكونوميكالىق جاعدايىن ەسكەرۋىن ايتتى. ايتپەسە بىرساتتە قارجىلاي توقىراۋعا  ۇشىراۋى مۇمكىن ەكەندىگىن تىلگە تيەك ەتتى.

سونداي-اق، شەرەف فايات سالا جينالىسىندا مىنالاردى ايتتى. «تۇركيانىڭ تەكستيل سەكتورى بىلتىرعى جىلى 18،7 ميلليون پايدا تاپتى. ال، بيىلعى جىلدىڭ العاشقى ءتورت ايىندا وتكەن جىلمەن سالىستىرعاندا سەكتوردىڭ پايداسى ايتارلىقتاي ازايىپ كەتكەنىن كورىپ وتىرمىز. كورشى مەملكەتتەردە بولىپ جاتقان جاعدايلار سەكتورعا اسەر ەتۋدە. ەلدىڭ ەكسپورتتان تۇسەتىن پايداسىنىڭ 12 پايىزى كيىم-كەشەك پەن ماتا ونىمدەرىنەن قۇرالادى. اقش پەن قىتايدان كەيىنگى، ەڭ ۇلكەن تەكستيل مەن كيىم ەكسپورتتاۋشى مەملەكتپىز»، - دەدى.

تۇركيا ەكسپورتتىق تاۋارلاردى ساقتاندىرۋ ۇيىمىنىڭ باسشىسى (Coface) بەلكيس الپەرگۋن «ماتانىڭ 52 پايىزىن،  كيىم-كەشەكتىڭ 75 پايىزىن ەۋروپاعا ەكسپورتتاپ وتىرمىز. الەمدىك قالىپتاسقان جاعدايعا دايىن بولۋ كەرەك. نارىققا بولجام جاساۋ قيىن. ءبىراق ەندىگى ءبىزدىڭ ماقساتىمىز سولتۇستىك امەريكا نارىعىنا كىرۋ» دەدى.

نازار تۇرىقباي ۇلى