قازاقستاندا انتيبيوتيكتەردٸڭ زاڭسىز ساۋداسى توقتاماي تۇر

قازاقستاندا انتيبيوتيكتەردٸڭ زاڭسىز ساۋداسى توقتاماي تۇر
pixabay.com

قازاقستاندا جىل باسىنان بەرٸ انتيبيوتيكتەردٸ دەرٸگەر رەتسەپتٸسٸز ساتقان دەرٸحانالارعا 8,2 ملن تەڭگەدەن استام ايىپپۇل سالىندى. وسى ۋاقىت ٸشٸندە 38 ەكٸمشٸلٸك حاتتاما تولتىرىلدى, دەپ حابارلايدى dalanews.kz.

دەنساۋلىق ساقتاۋ مينيسترلٸگٸنٸڭ مەلٸمەتٸنشە, انتيبيوتيكتەردٸ بوساتۋ تەرتٸبٸنٸڭ ساقتالۋىنا قاتىستى تەكسەرۋلەر جالعاسىپ جاتىر. مەديتسينالىق جەنە فارماتسەۆتيكالىق باقىلاۋ كوميتەتٸنٸڭ اۋماقتىق دەپارتامەنتتەرٸ دەرٸلەردٸ رەتسەپتٸسٸز ساتۋ دەرەكتەرٸ بويىنشا ەكٸمشٸلٸك قۇقىق بۇزۋشىلىق تۋرالى كودەكستٸڭ 426-بابىنىڭ 1-بٶلٸگٸنە سەيكەس شارا قابىلداعان.

سالىستىرمالى تٷردە ايتساق, 2023 جىلى وسىعان ۇقساس 26 حاتتاما تولتىرىلىپ, 3,5 ملن تەڭگەدەن استام ايىپپۇل سالىنعان. 2024 جىلى 45 حاتتاما بويىنشا ايىپپۇل كٶلەمٸ 7,6 ملن تەڭگەدەن اسسا, 2025 جىلى 59 حاتتاما تولتىرىلىپ, 9,5 ملن تەڭگەدەن استام ايىپپۇل ٶندٸرٸلگەن.

مينيسترلٸك دەرەگٸنشە, دەرٸحانالاردا رەتسەپتٸسٸز ساتۋعا جيٸ ەرەكەت جاسالاتىن انتيبيوتيكتەردٸڭ قاتارىندا ازيتروميتسين, تسەفترياكسون, تسەفازولين جەنە تسيپروفلوكساتسين بار.

ماماندار انتيبيوتيكتەردٸ دەرٸگەردٸڭ تاعايىنداۋىنسىز قابىلداۋ باكتەرييالاردىڭ دەرٸلٸك پرەپاراتتارعا تٶزٸمدٸلٸگٸن ارتتىراتىنىن ەسكەرتەدٸ. بۇل ينفەكتسييالىق اۋرۋلاردى ەمدەۋدٸ قيىنداتىپ, انتيبيوتيكتەردٸڭ تيٸمدٸلٸگٸن تٶمەندەتۋٸ مٷمكٸن.

وسى پرەپاراتتاردىڭ اينالىمىن باقىلاۋدى كٷشەيتۋ ٷشٸن دەنساۋلىق ساقتاۋ مينيسترلٸگٸ تسيفرلىق ەكونوميكانى دامىتۋ ورتالىعىمەن بٸرلەسٸپ, جوعارى تەۋەكەل توبىنا جاتاتىن دەرٸلەرگە مٸندەتتٸ ەلەكتروندىق رەتسەپت ەنگٸزۋ جۇمىستارىن جٷرگٸزٸپ جاتىر. جاڭا جٷيە دەرٸلٸك زاتتاردى تسيفرلىق تاڭبالاۋ جەنە قاداعالاۋ جٷيەسٸمەن بٸرٸكتٸرٸلەدٸ.