Túrkiiadaǵy qazaq diasporasy men Nur-Sultan qalasyndaǵy dúniejúzilik qazaqtardy biriktiretin «Otandastar» qorynyń atynan gýmanitarlyq kómekti Tarbaǵatai aýdanynyń ortalyǵy Aqsýatqa Qazaq-Túrik bilim jáne zertteý qaýymdastyǵynyń tóraǵasynyń birinshi orynbasary, «Dúniejúzi qazaqtary qaýymdastyǵynyń» tóralqa múshesi Serkan Dinchtúrk jetkizip berdi.
19 qorapqa salynǵan quny 5 million teńge bolatyn gýmanitarlyq kómekte tynys alý apparaty, maska, halat jáne meditsinalyq qorǵanys qural-jabdyqtary bar. Túrkiiadaǵy qazaqtardyń atynan kelgen kómek Nur-Sultan, Almaty, Shymkent siiaqty iri megopolistergede jiberilgen bolatyn.
«Túrkiiadaǵy jáne Eýropadaǵy turatyn qazaqtar osyndai búkil álemde bolyp jatqan qiyndyq kezinde atamekenimiz, óz ata jurtymyz Qazaqstanǵa qolymyzdan kelgenshe kómek berýdi jón sanadyq.
Osylaisha, gýmanitarlyq kómek jinap Túrkiiadaǵy Qazaqstan elshiligi, QR Syrtqy ister ministrliginiń, «Otandastar» qorynyń kómegimen osy elge jetkizdik.
Aldaǵy ýaqytta Túrkiiadaǵy qazaqtar taǵy kómek beretin bolsa, taǵyda ákelýge tyrysamyz. Bizdiń bar tilegimiz ákelgen kómegimiz koronavirýs infektsiiasyn jeńýge kómektesetinine úmittenemiz»,-dedi gýmanitarlyq kómekti jetkizgen Serkan Dinchtúrk.
Túrik elindegi qandastarymyzdyń ystyq yqylasy men jibergen kómekterin amanat etip alyp kelgen Serkan Danchtúrkke aýdan basshysy Serikqazy Qusaiynuly zor alǵysyn jetkizip, baýyrlas Túrkiia eliniń bul qadamy koronavirýs indetimen kúrestegi jahandyq yntymaqtastyqtyń aiqyn kórinisi ekendigin aityp, qurmetpen iyǵyna shapan japty.
QÝANYSh RAHMETOLLAULY
