Prezıdenttik saılaýdyń ekinshi kezeńi 28 mamyrda ótýi tıis. Oǵan deıin 2 apta ýaqyt bar.
Osy rette Erdoǵan bılikte jıyrma jyl. Ol túriktiń bar bıligin ýysyna myqtap ustaǵan adam retinde tarıhta qalatyny anyq. Saılaýdan keıin suhbat bergen Erdoǵan:
– Saılaýdyń kórsetkishterge qaramastan Túrkıa halqy jeńimpaz atandy. 14 mamyrdaǵy daýys berý elimizdiń saılaý úderisteri tarıhyndaǵy eń joǵary belsendilik tanytqan naýqan boldy. Búkil saıası qyzmetimizde biz halyqtyń erkine qurmetpen qaradyq. Biz aǵymdaǵy saılaýda da, odan keıingi barlyq saılaýda da saılaýshylardyń pikirine qurmetpen qaraıtyn bolamyz.
Daýystardaǵy aıyrmashylyq shamamen 2,6 mıllıon bizdiń paıdamyzǵa sheshildi. Sońǵy nátıjeler bul alshaqtyqty arttyrady. Sondyqtan biz birinshi týrynda jeńiske jetý múmkindigine áli de senemiz.
Eger halyq ekinshi týrdyń paıdasyna tańdaý jasasa, biz bul sheshimdi qabyldaýǵa daıynbyz, – dedi Túrkıa basshysy.
Osylaısha Erdoǵan prezıdenttik saılaýda óziń kandıdatýrasyn qoldaǵan 27 mıllıon saılaýshynyń árqaısysyna rızashylyǵyn bildirdi. «Sonymen qatar, men saılaýǵa kelgen 56 mıllıon saılaýshyǵa alǵysymdy bildiremin» dedi saıasatker.
