پرەزيدەنتتىك سايلاۋدىڭ ەكىنشى كەزەڭى 28 مامىردا ءوتۋى ءتيىس. وعان دەيىن 2 اپتا ۋاقىت بار.
وسى رەتتە ەردوعان بيلىكتە جيىرما جىل. ول تۇرىكتىڭ بار بيلىگىن ۋىسىنا مىقتاپ ۇستاعان ادام رەتىندە تاريحتا قالاتىنى انىق. سايلاۋدان كەيىن سۇحبات بەرگەن ەردوعان:
– سايلاۋدىڭ كورسەتكىشتەرگە قاراماستان تۇركيا حالقى جەڭىمپاز اتاندى. 14 مامىرداعى داۋىس بەرۋ ەلىمىزدىڭ سايلاۋ ۇدەرىستەرى تاريحىنداعى ەڭ جوعارى بەلسەندىلىك تانىتقان ناۋقان بولدى. بۇكىل ساياسي قىزمەتىمىزدە ءبىز حالىقتىڭ ەركىنە قۇرمەتپەن قارادىق. ءبىز اعىمداعى سايلاۋدا دا، ودان كەيىنگى بارلىق سايلاۋدا دا سايلاۋشىلاردىڭ پىكىرىنە قۇرمەتپەن قارايتىن بولامىز.
داۋىستارداعى ايىرماشىلىق شامامەن 2،6 ميلليون ءبىزدىڭ پايدامىزعا شەشىلدى. سوڭعى ناتيجەلەر بۇل الشاقتىقتى ارتتىرادى. سوندىقتان ءبىز ءبىرىنشى تۋرىندا جەڭىسكە جەتۋ مۇمكىندىگىنە ءالى دە سەنەمىز.
ەگەر حالىق ەكىنشى تۋردىڭ پايداسىنا تاڭداۋ جاساسا، ءبىز بۇل شەشىمدى قابىلداۋعا دايىنبىز، – دەدى تۇركيا باسشىسى.
وسىلايشا ەردوعان پرەزيدەنتتىك سايلاۋدا ءوزىڭ كانديداتۋراسىن قولداعان 27 ميلليون سايلاۋشىنىڭ ءارقايسىسىنا ريزاشىلىعىن ءبىلدىردى. «سونىمەن قاتار، مەن سايلاۋعا كەلگەن 56 ميلليون سايلاۋشىعا العىسىمدى بىلدىرەمىن» دەدى ساياساتكەر.
