Túrkiiada úsh million memlekettik qyzmetker demalysqa shyqpaidy
Dúisenbi kúni úkimet otyrysynan keiin jýrnalister aldynda sóz sóilegen Yldyrym memlekettik tóńkeris jasamaq bolǵan búlikshiler 208 adamdy óltirdi dep málimdedi. Olardyń ishinde politsiia qyzmetkerleri, sarbazdar jáne beibit turǵyndar bar. Myń jarym adam jaralanǵan. Sońǵy resmi málimetter boiynsha, tártipsizdik kezinde qaza tapqandar sany 290 adamǵa jetken.
Iyldyrim jeti jarym myń politsiia, áskeri, sot qyzmetkeri jáne azamattyq tulǵalar ustaldy deidi. 10 myńdai memlekettik qyzmetker men sheneýnik, qarjy ministrligi, IIM ókilderi jáne 30 gýbernator men 47 aýdan ákimshiliginiń jetekshisi qyzmetterinen shettetilgen. Olardyń barlyǵy memlekettik tóńkeris áreketine qatysy bar dep kúdikke alyndy,- dep jazady túrik basylymy "Hiýrriet".
Premer-ministr sonymen birge Túrkiianyń AQSh-pen dostyq qarym-qatynasy suraqtyń aldynda tur dep málimdedi. Ankara Vashingtonnan islam dinin ýaǵyzdaýshy Fethýllah Gúlendi qaitarýyn talap etedi. Ol Rejep Erdoǵanmen aralarynda syzat túsken soń, Amerikaǵa kóship ketken. Bilik Gúlen men onyń jaqtastary búlikti uiymdastyrdy dep esepteidi. Al dini ýaǵyzshy ózine taǵylǵan aiyptardy joqqa shyǵarady.
Túrkiiadaǵy AQSh elshisi Djon Bass Túrkiianyń Amerikaǵa taqqan aiyptary shyndyqqa sáikes kelmeidi dedi.
«QmD» aqparat
