Túrkiiada "Astana LRT" JShS-nyń burynǵy basshysy Talǵat Ardan ustaldy, dep habarlaidy Dalanews.kz.
QR Bas prokýratýrasy 2019 jyldyń qyrkúieginde Túrkiiaǵa Qazaqstannyń tergeý organdarymen izdeýdegi Talǵat Ardandy ekstraditsiialaý týraly ótinish joldaǵan bolatyn, - deidi QR UQK baspasóz qyzmeti.
UQK onyń naqty qaida júrgenin biyl anyqtady, sodan keiin Túrkiianyń quqyq qorǵaý organdary Ardandy Antaliada ustady. Atalǵan qala sýdiasy 9 mamyrda Talǵat Ardandy Qazaqstanǵa deportatsiialaý týraly sheshim qabyldady. Qazirgi ýaqytta ol qamaýda.
Al qazaqstandyq tarap "Astana LRT" JShS-nyń burynǵy basshysyn Qazaqstanǵa jetkizýdiń quqyqtyq protsedýralaryna kirisip te ketti.
Aita ketsek, Astana qalalyq soty Talǵat Ardandy laýazymdyq ókilettigin teris paidalana otyryp, asa iri kólemde bótenniń múlkine qol suǵyp, urlyq jasady dep tanydy. Ol 2023 jyly mamyrda syrttai toǵyz jylǵa sottalǵan bolatyn. Osy jyly jeltoqsanda Ardan sot úkimine shaǵym túsirgen. Biraq úkim ózgerissiz qaldyryldy.
2022 jyly 14 qańtarda Talǵat Ardan men onyń sybailasy dep tanylǵan Qanat Sultanbekovke halyqaralyq izdeý jariialanǵany belgili boldy. Antikor Talǵat Ardannyń Túrkiiada júrgenin, ondaǵy quqyq qorǵaý organdary qylmyskerdi ustaý úshin áreket jasap jatqanyn aitqan. Al Qanat Sultanbekovtyń AQSh-ta júrgeni belgili boldy. Alaida oǵan ilingen "qyzyl kartanyń" bul elde áseri bolmai shyqty. AQSh tarapy izdeýdegi Sultanbekov kóshi-qon rejimi nemese sol eldiń zańyn buzbasa, ustaýǵa jatpaitynyn habarlaǵan.
Aita ketsek, Ardan 2017 jyldyń shildesinde qyzmetinen bosatyldy. Sybailas jemqorlyqqa qarsy qyzmettiń tergeýshileri "Astana LRT" JShS biýdjet qarajatynan merdiger uiymdardyń biriniń shotyna 300 mln teńgeden astam qarajat aýdarǵanyn anyqtaǵan, al bul aqsha qoldanystaǵy limitten 125 mln teńgege asyp ketken. Bul - 2014 jylǵa qatysty oqiǵa.
Tergeý málimetteri boiynsha, 2016 jylǵy 22 jeltoqsanda Ardan Qytaidyń memlekettik damý bankinen LRT qurylys jobasyna dep 257,6 million dollarǵa syrtqy qaryzdyń alǵashqy transhyn zańsyz suraǵan. Aqsha túsken sátten bastap olar jobaǵa qoldanylmaǵan. Onyń áreketi aýyr zardaptarǵa ákelip soqtyrdy: "City Transportation Systems" JShS 85 mlrd teńgeden astam shyǵyn keltirdi.
Buǵan deiin Ardan asa iri mólsherinde biýdjet qarajatyn ysyrap etkeni úshin memlekettik qyzmet atqarý quqyǵynan ómir boiyna aiyryla otyryp, jeti jylǵa syrttai sottalǵan bolatyn. Kóp uzamai Astananyń qylmystyq ister jónindegi aýdanaralyq soty Ardandy kináli dep taýyp, memlekettik qyzmette qyzmet atqarý quqyǵynan ómir boiyna aiyra otyryp, toǵyz jylǵa bas bostandyǵynan aiyrý jazasyn taǵaiyndady. Ardannan "City Transportation Systems" JShS paidasyna 85 mlrd teńgeden astam materialdyq shyǵyn óndirip alyndy.
