Túrkistan oblysynyń Tólebı, Qazyǵurt jáne Keles aýdandarynyń turǵyndary ınternet jelisine qosylý múmkindigine ıe boldy, – dep habarlaıdy Dalanews.kz Túrkistan oblysy ákiminiń baspasóz qyzmetine silteme jasap.

Joba QR sıfrlyq damý, ınovasıalar jáne aeroǵarysh ónerkásibi mınıstrligi men baılanys operatorlary arasyndaǵy memorandým aıasynda júzege asyrylýda.

2020 jylǵa deıin 850 adam turatyn Tólebı aýdanynyń Baldyberek aýylynda mobıldi ınternettiń sapasy óte tómen bolatyn. Sol sebepti turǵyndar tarapynan shaǵymdar kóp boldy. Bıyl Baldyberek aýylynyń turǵyndarynda 4G mobıldi ınterneti paıda boldy.

Joǵaryda atalǵan másele 1000-nan astam halqy bar Keles aýdanynyń Bozsý aýylynda, sondaı-aq 1000-nan astam halqy bar Qazyǵurt aýdanynyń Jeńis aýylynda da týyndady. Endi 250+jobasy aıasynda barlyq aýyl turǵyndaryna keń jolaqty ınternet jelisi jetti. Aldaǵy ýaqytta ózge de eldi mekender ınternettiń ıgiligin kóre alatyn bolady.