«Áleýmettik medısınalyq saqtandyrý qory» basshysy Túrkistan qalasyndaǵy medısınalyq mekemelerge jyl basynan beri memlekettik tapsyrys boıynsha kórsetilgen qyzmetter úshin 630 mlrd teńge tóledi. Qarjy kepildendirilgen tegin medısınalyq kómek paketi (TMKKK) sheńberinde bólindi.
– 2019 jyly 19 tamyzyndaǵy málimetter boıynsha, qormen kelisimshart bekitken jetkizýshi kompanıalarǵa 630 mlrd teńge tólendi. Bul kepildendirilgen medısınalyq kómek paketi sheńberinde bekitilgen kelisimsharttardyń jalpy somasynyń 71 paıyzy, – dedi «Áleýmettik medısınalyq saqtandyrý qory» KEAQ Túrkistan oblystyq fılıalynyń dırektory Ashat Beısenbaev.
2019 jyly MSQ kepildendirilgen kómek túrlerin kórsetýge qulshynys bildirgen medısına uıymdarymen 889 mlrd teńgeniń kelisimshartyn bekitken bolatyn. Bul ótken jyly bólingen qarjydan 6-ǵa artyq. Jumys kestege saı júrip jatyr.
Bıyl memlekettik tapsyrysty oryndaýǵa 1416 medısına uıymy atsalysyp jatyr. Onyń ishinde 708 jeke menshik klınıka da bar. Bıyl olardyń sany 2018 jylmen salystyrǵanda 64-ke artqan. Al, Túrkistan oblysynda medısınalyq qyzmetterdiń 74 jetkizýshisi medısınalyq saqtandyrý qorymen kelisim shart jasasqan, ıaǵnı, olar MÁMS júıesinde jumys isteýge daıyn. Bul – óńirdiń medısınalyq mekemeleriniń 90%-yn quraıdy.
Memleketten tapsyrys alǵan jeke menshik klınıkalar sany jaǵynan Shymkent, Nur-Sultan, Almaty qalalary men Qyzylorda jáne Jambyl oblystary kósh bastap tur.
Esterińizge sala ketsek, MSQ 2018 jyldan bastap TMKKK jáne mindetti áleýmettik medısınalyq saqtandyrý (MÁMS) paketteriniń qarjylyq operatory jáne halyqqa kórsetiletin medısınalyq qyzmetterdi QR Úkimeti bekitken tártip boıynsha satyp alady.
"Áleýmettik medısınalyq saqtandyrý qory" KEAQ Túrkistan oblysy boıynsha halyqty aqparattandyrý jáne ótinishterdi qaraý bólimi
