Túrkistannyń «Jasyl beldeýi» eki ese ulǵaidy
Qazir jasyl beldeý aýmaǵyna 3020 gektar jer telimderine 9 mln dana sekseýil kóshetteri otyrǵyzylyp, 2500 gektar jerge sekseýil tuqymy sebildi.
Jalpy búgingi kúnge deiin jasyl beldeýdiń aýmaǵy sekseýil ormandaryn qosa eseptegende eki ese ulǵaiyp, 13 220 gektarǵa jetti. Orman alqabynda 21 489 008 kóshet ósip-jetilýde.
Túrkistan qalasy ainalasynyń sý tapshylyǵyna bailanysty otyrǵyzylǵan aǵash kóshetterin sýarý boiynsha, jańa áýejai jolynyń boiy 268 ga jer telimi tolyqtai tamshylatyp sýarý júiesine qosyldy. Qalǵan ýchaskelerdegi otyrǵyzylǵan aǵash kóshetterdiń 63 % uńǵymalardan, 25% kanaldarmen, 12% nasostar arqyly sýarylýda.
Orman alqabynda otyrǵyzylǵan mádeni ekpelerdiń kónimdiligi men ósý jaǵdaiyna túgendeý jumystary júrgizilip zerdelendi. Onyń nátijesi 7700 gektar aýmaqtyń 51,2% jerinde kóshetterdiń kónimdiligi jaqsy, ortasha jáne qanaǵattanarlyq jaǵdaida ekenin kórsetti. Jasandy orman alqabyn keńeitý eń aldymen tuqymbaqtardyń jumysyna bailanysty. Sondyqtan «Jasyl aimaq» KMM Túrkistannyń tuqymbaǵyn damytyp, aǵash-buta kóshetterin kóbeitýde.
