تٷركٸستاننىڭ «جاسىل بەلدەۋٸ» ەكٸ ەسە ۇلعايدى
قازٸر جاسىل بەلدەۋ اۋماعىنا 3020 گەكتار جەر تەلٸمدەرٸنە 9 ملن دانا سەكسەۋٸل كٶشەتتەرٸ وتىرعىزىلىپ, 2500 گەكتار جەرگە سەكسەۋٸل تۇقىمى سەبٸلدٸ.
جالپى بٷگٸنگٸ كٷنگە دەيٸن جاسىل بەلدەۋدٸڭ اۋماعى سەكسەۋٸل ورماندارىن قوسا ەسەپتەگەندە ەكٸ ەسە ۇلعايىپ, 13 220 گەكتارعا جەتتٸ. ورمان القابىندا 21 489 008 كٶشەت ٶسٸپ-جەتٸلۋدە.
تٷركٸستان قالاسى اينالاسىنىڭ سۋ تاپشىلىعىنا بايلانىستى وتىرعىزىلعان اعاش كٶشەتتەرٸن سۋارۋ بويىنشا, جاڭا ەۋەجاي جولىنىڭ بويى 268 گا جەر تەلٸمٸ تولىقتاي تامشىلاتىپ سۋارۋ جٷيەسٸنە قوسىلدى. قالعان ۋچاسكەلەردەگٸ وتىرعىزىلعان اعاش كٶشەتتەردٸڭ 63 % ۇڭعىمالاردان, 25% كانالدارمەن, 12% ناسوستار ارقىلى سۋارىلۋدا.
ورمان القابىندا وتىرعىزىلعان مەدەني ەكپەلەردٸڭ كٶنٸمدٸلٸگٸ مەن ٶسۋ جاعدايىنا تٷگەندەۋ جۇمىستارى جٷرگٸزٸلٸپ زەردەلەندٸ. ونىڭ نەتيجەسٸ 7700 گەكتار اۋماقتىڭ 51,2% جەرٸندە كٶشەتتەردٸڭ كٶنٸمدٸلٸگٸ جاقسى, ورتاشا جەنە قاناعاتتانارلىق جاعدايدا ەكەنٸن كٶرسەتتٸ. جاساندى ورمان القابىن كەڭەيتۋ ەڭ الدىمەن تۇقىمباقتاردىڭ جۇمىسىنا بايلانىستى. سوندىقتان «جاسىل ايماق» كمم تٷركٸستاننىڭ تۇقىمباعىن دامىتىپ, اعاش-بۇتا كٶشەتتەرٸن كٶبەيتۋدە.
