Komissiia otyrysyna QR Prezidenti Ákimshiligi Basshysynyń orynbasary O.Orazalin, Túrkistan oblysynyń ákimi J.Túimebaev, Ulttyq ekonomika vitse-ministri A.Jumaǵulov, Aýyl sharýashylyǵy ministriniń orynbasary E.Nysanbaev, Bilim jáne ǵylym vitse-ministri B.Asylova, Ishki ister ministriniń orynbasary E.Bisenqulov, Energetika vitse-ministri M.Myrzaǵaliev, Investitsiialar jáne damý vitse-ministri Q.Óskenbaev, Densaýlyq saqtaý ministriniń orynbasary O.Ábishev, Mádeniet jáne sport ministriniń orynbasary E.Qojaǵapanov, Qarjy vitse-ministri Q.Baedilov, Meml-ekettik qyzmet isteri jáne sybailas jemqorlyqqa qarsy is-qimyl agenttigi tóraǵasynyń orynbasary A.Shaimova, Prezidenti Ákimshiliginiń memlekettik inspektory M.Imandosov qatysty.
Elbasy Jarlyǵyna sai oblys ortalyǵyn Túrkistanǵa kóshirý jumystaryn josparǵa sai júzege asyrý úshin arnaiy shtab qurylǵanyn aitqan oblys ákimi J.Túimebaev atalǵan tapsyrmalardy sátti oryndaý úshin Úkimet deńgeiinde sheshýdi qajet etetin birqatar máselelerge toqtalyp ótti.
Kóne shahar Túrkistannyń oblys ortalyǵy mártebesin alýy úlken jaýapkershilik pen mindetti júktep otyrǵanyn aitqan qala ákimi Á.Óserbaev qalanyń damý dinamikasy men logistikalyq múmkindigin arttyrý jáne infraqurylymyn jetildirý qajettiligi týyndap otyrǵanyn jetkizdi.
«Búginde qala turǵyndarynyń 94 paiyzy ortalyqtandyrylǵan taza aýyz sý júiesimen qamtamasyz etilgen. Alaida oblys ortalyǵy bolýyna bailanysty, qala halqynyń sany 250 myńǵa deiin ósken jaǵdaida qajetti sý kólemi táýligine 50 myń kýbty quraidy. Keleshekte qalany tolyqqandy aýyz sýmen qamtamasyz etý úshin jańa sý qoimalary salyný qajet. Búgingi tańda qala halqynyń 26,4 paiyzy kógildir otynmen qamtylǵan bolsa, tiisti qarjy bólingen jaǵdaida 2019 jyldyń sońynda turǵyndardy tolyǵymen gazben qamtylady. Al qalamyzdaǵy jalpy uzyndyǵy 23 shaqyrymdy quraityn basty kóshelerinde keptelister oryn alýy múmkin. Sondyqtan da aldaǵy ýaqytta kóshelerdiń enin 12-18 metrge deiin keńeitý qajettili týyndaýda. Budan bólek, respýblikalyq mańyzy bar «Batys Evropa-Batys Qytai» dálizi qalanyń ortasynan ótkendikten qala turǵyndary men qonaqtarynyń jolda júrý qaýipsizdigin qamtasyz etýge keri áserin tigizýde. Osy rette, qala ishinde ornalasqan 18 shaqyrym respýblikalyq mańyzy bar joldy qala syrtyna kóshirý qajet»,-dedi Á.Óserbaev.
Otyrysta sóz alǵan QR Investitsiialar jáne damý vitse-ministri Q.Óskenbaev Túrkistan qalasyn damytý boiynsha jasalynatyn jańa bas jospardy 2 kezeń boiynsha júzege asyrýdy usyndy.
«Birinshisi túrki áleminiń mádeni rýhani ortalyǵy jáne Túrkistan oblysynyń ortalyǵy retinde Túrkistan qalasynyń bas jospary tujyrymdamasyn úzdik nusqasyna halyqaralyq konkýrs uiymdastyrylatynyn bolady. Sondai-aq, Astana qalasynyń salý tájiribesin eskere otyryp, qalanyń tujyrymdamasyn tehnikalyq tapsyrmasy men bas josparyn ázirleý úshin Astana bas josparyn tartýdy nemese Túrkistan qalasynda filialyn qurýdy usynamyn. Ekinshi kezeńde qabyldanǵan 2050 jylǵa deiingi tujyrymdamany eskere otyryp qalany damytýdyń egjei-tegjeili usynystary qamtylǵan bas jospardy ázirleýge kirisý. Bas jospardy sátti ázirleý úshin oblys ortalyǵy retinde Túrkistan qalasyn damytýdyń jol kartasyn ázirlengen jobasyna sáikes barlyq múddeli memlekettik organdardyń belsendi qatysýy qajet»,-dedi Q.Óskenbaev.
Onyń aitýynsha, jan basyna shaqqandaǵy jalpy óńirlik ónim boiynsha búgingi kúndegi kórsetkish 1 mln teńgeniń tóńireginde eken. Bul kórsetkish Respýblika boiynsha eń tómengi kórsetkish dep aitsaq bolady. Sol sebepti jalpy ekonomika boiynsha keshendi jumystar qarqyndy júrý kerek ekeni kórsetilip otyr dedi.
Jiyndy qorytyndylaǵan QR Premer-Ministriniń birinshi orynbasary Asqar Mamin joǵaryda baiandamashylardyń kótergen máseleleri nazarǵa alynatynyn aityp, Elbasy tapsyrmasyn tiisti deńgeide oryndaý úshin bar kúsh-jigerdi salýdy tapsyrdy. Sonymen qosa tiisti jospar jasap, usynys engizýdi sala jetekshilerine júktedi.
Túrkistan oblysy ákiminiń baspasóz qyzmeti
