Aimaq basshysy sonymen qatar Túrkistan óńirinde týrizm áleýetin arttyrý úshin artqarylyp jatqan jumystarmen tanystyrdy.
"Túrkistannyń týristik potentsialy jyl ótken saiyn ósip kele jatyr. Týristerdiń kóptep kelýi Túrkistan ekonomikasynyń shyrailana túsýine septigin tigizeri anyq. Tek bir ǵana óńir emes, Túrkistannyń týristik áleýetiniń artýy tutas el ekonomikasyna oń yqpal etedi. Aitalyq dál búgingi kúni Túrkistan qalasyna kelýshiler sany 1 mln. adamǵa jetip, ótken jyldyń dál osy kezimen salystyrǵanda 57,2 paiyzǵa artyp otyr. Sonymen qatar, óńirde týrizmdi damytý úshin júieli baǵdarlamalar daiarladyq. Aldaǵy ýaqytta kelýshiler sany taǵy arta túsedi dep josparlap otyrmyz", -dedi osy oraida Janseiit Qanseiituly.
Jalpy týrizm máselesin sóz etken sheteldik týristerge qyzmet kórsetý, servis sapasy sóz bolary anyq. Janseiit Túimebaevtyń aityp ótkenindei óńirde sheteldik týristerge qolaily jaǵdai jasalǵan.
Onyń aitýynsha ornalastyrý oryndarymen kórsetilgen qyzmet kólemi 2018 jylǵy qańtar-maýsym aralyǵynda 543,7 mln. teńgege jetip, 2017 jyldyń 6 aiymen salystyrǵanda ósý qarqyny 16,8 paiyzǵa ósken. Sondai-aq, Qazaqstannyń týristifikatsiialaý kartasynyń respýblikalyq mańyzy bar TOP-10 nysanyna oblystan «Áziret Sultan» qoryq-murajaiy engizilgen. Atalǵan qoryq sheteldik týrister tarapynan úlken tanymaldylyqqa ie.
