Túrkistan qalasynyń ákimi Ázimbek Pazylbekuly álemniń túrli elderindegi qolónershiler men qolónerdi biriktirýshi – «World Craft Council» halyqaralyq uiymynyń sarapshylarymen kezdesti,- dep habarlaidy Dalanews.kz
Túrki eliniń astanasy – Túrkistannyń tarihymen tanysý úshin Dúniejúzilik qolóner Keńesiniń Aziia-Tynyq muhity aimaǵy boiynsha vitse-prezidenti Aidarhan Kaliev pen sarapshylary Sohan Kýmar Dja Úndistannan, Mahootchian Ialda Túrkiiadan, Dúniejúzilik qolóner Keńesiniń Ońtústik-Shyǵys Aziia aimaǵy boiynsha vitse-prezidenti jáne sarapshysy Le Ba Ngok arnaiy keldi. Basqosýda sarapshylar qalanyń qolóner salasynyń damýymen tanysyp, tájiribelerimen bólisti. Sonymen qatar «qolónershiler qalasy» mártebesine ie bolýy úshin atqarylatyn jumys baǵyttary men saladaǵy yntymaqtastyq jaiy talqylandy.
Ázimbek Pazylbekuly san ǵasyrlyq tarihy bar, mádenieti men óneri ushtasqan qasietti shahar týraly baiandap, «Halyqaralyq qolónershiler qalasy» mártebesin alýdyń mańyzyna toqtaldy.
"Uly Jibek jolynyń mańyzdy ortalyqtarynyń biri bolyp, ejelden qolónerdiń damýyna úlken úles qosqan Túrkistan búginde «Halyqaralyq qolónershiler qalasy» mártebesin alýǵa nietti. Búginde qalamyzdyń qolóner salasy óziniń tereń tamyry men ulttyq erekshelikterin saqtai otyryp, zamanaýi úrdistermen úilesimdi damyp keledi. Túrkistandyq sheberler jasaǵan keramikalyq buiymdar ózderiniń ásemdigimen, naqyshty órnekterimen jáne sapasymen erekshelenedi. Aldaǵy ýaqytta qolnershilerdi qoldaýǵa baqyttalǵan úlken jobalarymyz bar", – dedi qala basshysy.
Ótken jyly Dúniejúzilik qolóner keńesi uiymynyń 31 múshesi Túrkistan qalasyna arnaiy kelip, jergilikti qolónershilerdiń jumysyna joǵary baǵa bergen bolatyn. Osyǵan orai, Túrkistan qalasy atalǵan uiymǵa múshe bolýǵa ótinim bergen. Búginde qala ákimdigi qolóner sheberlerin qoldaýǵa, olardyń eńbekterin halyqaralyq deńgeide tanytýǵa baǵyttalǵan túrli bastamalar men jobalardy júzege asyrýda.
Basqosýda Dúniejúzilik qolóner Keńesiniń Aziia-Tynyq muhity aimaǵy boiynsha vitse-prezidenti Aidarhan Kaliev qala ákimine alǵys aityp, Túrkistanmen yntymaqtastyqty damytýǵa daiyn ekenin jetkizdi. Túrkistannyń «Halyqaralyq qolónershiler qalasy» mártebesin alý ortaq maqsat ekenin jetkizip, osy jolda birlesip jumys isteýge nietin bildirdi.
Bul kezdesý Túrkistan qalasynyń mádenieti men qolónerin damytýda jańa múmkindikter ashatyn mańyzdy qadam.
