Túrkistan qalalyq balalar aýrýhanasynda 2024 jyldyń qyrkúıek aıynan bastap 0-18 jas aralyǵyndaǵy balalarǵa medıdısınalyq kómektiń sapasyn jáne qoljetimdiligin jaqsartý maqsatynda balalar aýrýhanasy bazasynan «Konsýltatıvtik-dıagnostıkalyq ortalyq» ashyldy, – dep habarlaıdy Dalanews.kz Túrkistan oblysy ákiminiń baspasóz qyzmetine silteme jasap.

Túrkistan qalalyq balalar aýrýhanasy «Klınıkalyq-dıagnostıkalyq ortalyǵynda» travmatolog-ortoped, hırýrg, neırohırýrg, otolarıngolog, nevropatolog, pýlmonolog, gastroenterolog, kardıolog, pedıatr, nefrolog, neonatalog, reabılıtolog, alergolog, jalpy 12 beıindi mamandyq boıynsha dárigerler konsýltasıalyq qabyldaý júrgizedi.

Dıagnostıkalyq qyzmetinde laboratorıalyq zertteýlerdiń barlyq túrleri jasalady. Atap aıtqanda, jalpy klınıkalyq, gematologıalyq, bakterıologıalyq, IFA jáne t.b. Al ınstrýmentaldy tekserýlerdi zamanaýı apparattarmen júrgiziledi. Atap aıtqanda,  ÝDZ, KT, rentgen, EKG, EKG holter monıtorıń, EEG, spırografıa.

Ortalyqta barlyq sala boıynsha bilikti beıindi mamandar saǵat 09:00-17:00 aralyǵynda 0 jastan 18 jasqa deıingi balalarǵa sapaly medısınalyq kómek kórsetýde. Atalǵan ortalyq sońǵy úlgidegi  aspaptyq jáne zerthanalyq tekserýlerdiń barlyq túrleri men jabdyqtalǵan. «Konsýltatıvtik-dıagnostıkalyq ortalyq» jumysy  Túrkistan qalasyndaǵy jáne oblys ortalyǵyna jaqyn ornalasqan aýdandardaǵy (Otyrar, Kentaý, Saýran, Báıdibek, Ordabasy) naýqastanǵan balalardy qarap, tekserip, emdik is-sharalardy sapaly júrgizýge baǵyttalǵan.