Túrkistan qalasy, Q.A.Iasaýı atyndaǵy Halyqaralyq qazaq-túrik ýnıversıtetiniń Mádenıet ortalyǵynda QR Konstıtýsıa kúnine arnalǵan «Táýelsizdik tiregi – Ata zań» atty saltanatty is-sharasy ótti. Jıynǵa oblys ákiminiń orynbasarlary, oblystyq máslıhat depýtattary, oblystyq basqarma basshylary men qyzmetkerleri, quqyq qorǵaý organdarynyń basshylary, ardagerler men zıaly qaýym ókilderi, ÚEU músheleri, Túrkistan qalasynyń turǵyndary, stýdent jastar, BAQ ókilderi qatysty.

Sharaǵa qatysqan oblys ákimi Shókeev Ómirzaq túrkistandyqtardy aıtýly merekemen quttyqtady.

– Bıylǵy jyl Ata Zańymyzdyń qabyldanyp, qoldanysqa engenine 24 jyl tolýda. Osy jyldar ishinde biz barynsha qýatty, ekonomıkalyq damý úderisin alǵa qoıǵan, saıası turaqty memleket qurýda orasan zor jetistikke qol jetkizdik. Endeshe onyń mańyzdylyǵyn arttyrý, Ata Zańnyń aıasynda aıanbaı eńbek etý – memlekettiń qaryshtaýyna qosqan úlesimiz bolyp tabylady.

Barlyqtaryńyzdy aıtýly merekemen quttyqtaı otyryp, eńbekterińizge – jemis, januıalaryńyzǵa jaqsylyq tileımin! – dedi Ómirzaq Estaıuly.

Sondaı-aq, sharada oblysta eńbegimen úzdik atanǵan qyzmetkerlerge alǵys hattar men gramotalar tapsyrdy.

Merekelik jıynda Túrkistan oblysynyń Sh.Qaldaıaqov atyndaǵy oblystyq fılarmonıa, oblystyq opera jáne balet teatrynyń ánshileri, «Súgir» atyndaǵy qazaq ult aspaptar orkestri, «Tumar», «Qazyna», «Bısultan» bı ansámblderinen quralǵan 150-den asa ónerpazdar óner kórsetti.



Túrkistan oblysy ákiminiń baspasóz qyzmeti