Kentaý transformator zaýytynda 200-ge jýyq adam óndiris ornynda Joldaýdy tikelei efirden kórdi. Jumysshylar Prezidenttiń jańa Joldaýyndaǵy kóterilgen bastamalardy zor yqylaspen qabyldady. Ásirese, halyqtyń áleýmettik jaǵdaiyn kóterýge baǵyttalǵan igi is-sharalarǵa rizalyqtaryn bildirdi.
Sondai-aq, Túrkistan oblysynyń meditsina salasynyń birqatar ókilderi óz jumys oryndarynda Joldaýdy kórse, Túrkistan qalasyndaǵy pedagogikalyq kolledjde de arnaiy kórsetilim uiymdastyryldy. Bul ujymdarda da kolledj muǵalimderi, stýdentter, aqsaqaldar jáne túrli etnos ókilderi Elbasy Joldaýyn tyńdady.
Sonymen qatar, oblys ákimi apparatynyń qyzmetkerleri, jalpy, Túrkistan oblysynyń barlyq aýdan, qalalarynda jurtshylyq Joldaýdy tamashalap, Elbasy bastamalaryna qoldaý bildirdi.
Elbasynyń syndarly saiasatynyń arqasynda elimiz órkendep, jyldan jylǵa kórkeiip keledi. Ertegidei kóz ilespes jyldamdyqpen Saryarqa tósinen boi kótergen Astana qalasy bul tańda Táýelsizdigimizdiń arqaýyna ainalǵandai.
Saýsaq birikpei ine ilikpeidi degen bar. Birigip, birlesip, bir jaǵadan bas, bir jeńnen qol shyǵaryp, Joldaýdyń júzege asyrylýyna atsalysýymyz kerek. Sonda ǵana damyǵan 50 eldiń qataryna enedi. Jer betinde qazaq degen ǵajap halyq baryn álemge tanytý – árbir qazaqstandyqtyń mindeti dep bilemin.
Túrkistan oblysy ákiminiń baspasóz qyzmeti
