Túrkistandyq úmitker ekologiia máselesin qozǵady
Tikelei efir barysynda Qalyima Jantóreqyzy partiianyń 5 jyldyq sailaýaldy baǵdarlamasyn jan-jaqty baiandap, túiindi túitkilderdiń sheshý joldaryna toqtaldy.
Efir barysynda áleýmettik jeli qoldanýshylar Qalyima Jantóreqyzyna sáttilik tilep, ystyq lebizdermen qatar, saýaldardy da kóptep joldap otyrdy. Máselen, Kentaý qalasynyń turǵyny Beisen Sammetov ózin ǵana emes búkil Kentaý halqynyń oiynda júrgen máseleni kóterdi. Ol: «Kentaý qalasy qashan Aral óńirindegi ekologiialyq qasiret saldarynan zardap shekken ekologiialyq daǵdarys aimaǵyna enedi?» dep naqty saýal qoidy.
– Qurmetti Beisen myrza, mańyzdy suraǵyńyz úshin kóp rahmet. Túrkistan oblysy qurylǵan kezde Túrkistan qalasyna qarasty 12 eldimeken Kentaý qalasynyń quramyn kirgen bolatyn. Sol 12 eldimeken ekologiialyq daǵdarys aimaǵyna engen kúii qaldy da, Kentaý qalasy jáne qala aýmaǵyndaǵy 4 aýyl iaǵni, Qarnaq, Hantaǵy, Baiyldyr, Ashysai ekologiialyq daǵdarys aimaǵyna enbegen kúiinshe qalyp qoidy. Bul másele boiynsha biraz jumystar atqarylǵan. Kentaý qalasynyń ekologiialyq statýsyn anyqtaý úshin taldaý jumystary júrgizilgen. Jyl sońyna deiin qoǵamdyq tyńdaý ótkizilip, usynym qabyldanatyn bolady, – dedi Qalyima Jantóreqyzy.
Ol sondai-aq, atalǵan usynym aldaǵy ýaqytta elimizdiń bilim berý, densaýlyq saqtaý, ekologiia ministrikterine joldanatynyn jetkizdi.
Efir kezinde jeli qoldanýshylary Túrkistannyń damýy, Kentaý qalasynyń ósip, órkendeýi, áleýmettik kómek túrleri, jalaqy, jumyssyzdyqty joiý, azyq-túlik baǵalaryna da qatysty saýaldar joldap, tushymdy jaýaptaryn aldy.
(Material aqysy Túrkistan oblysyndaǵy «Nur Otan» partiiasynyń sailaý qorynyń qarajatynan tólendi)
