Túrkistandyq sharýalarǵa jeńildikpen aýyl sharýashylyǵy tehnkalaryn alatyn múmkindik týdy
Basqocýda álemniń 60-tan astam elin aýyl sharýashylyǵy tehnikasymen qamtamasyz etip otyrǵan kompaniia ókilderi diqandarǵa jańa tehnikaǵa qalai qol jetkizýge bolatyndyǵy jóninde aityp berdi.
Sharýalar ózderin tolǵandyrǵan saýaldaryna tushymdy jaýap alyp, oilarymen bólisti. Fermerler men kompaniia ókilderiniń bir-birimen emen-jarqyn pikir almasýy úshin jaǵdai jasap, óz alańyn usynǵan «Ramazan agro» JShS jańa tehnikamen tolyq qamtylǵan. Qazir mundaǵy kombaindar sharýashylyqqa tiesili 500 gektar alqaptaǵy maqta daqylyn oryp jatyr.
Sonymen qatar, jiyn barysynda diqandardyń nazaryna maqtanyń jańa sorty usynyldy. Shetelden ákelingen tuqymdardyń artyqshylyǵy men ereksheligi jaiynda sharýalarǵa mol maǵlumat berildi.
– Túrkiiada ár gektardan 60 tsentnerden maqta alady, 50 alsa azsynady. Izrail men Amerikada da sondai. Biz solardyń tuqymyn alyp keldik. Túrkiiadan «Lotos» degen uryq ákelip, 50 gektarǵa egip tekserip kórdik. 140 kúnde pisti, biraq shanaqtyń sany kóp. Gektaryna 40 tsentnerden ónim berdi. Odan keiin Amerikadan 3 sort ákeldik. Bizdiń klimatqa qaisysy jaqsy keledi, sonymen jumys istei beremiz, – dedi Tuqymmen qamtý kompaniiasynyń ókili Baýyrjan Jarqynbekuly.
Sonymen qatar, alqaly basqosýda tehnikamen qamtamasyz etetin kompaniianyń agronom-keńesshisi Almat Núrekeev te óz oiymen bólisti.
– Biz aldymen olardyń jerin kóremiz. Qatty ma, jumsaq pa? Soǵan orai biz ózimizdiń tehnikalarymyzdy usynamyz. Sol sharýashylyqqa qandai tehnika keledi. Eger sharýa tehnikany alatyn bolsa, 14 paiyzdyń 10-yn memleket tólep beredi, 4 paiyz jeńildikpen sharýanyń tehnikany alýǵa múmkindigi bar.
«Dalanews» aqparat
