Túrkistandyq qoǵamdyq uiymdary Prezident bastamasyna qoldaýdy
Máselen Túrkistan oblystyq ardagerler keńesi: «Qazirgi ýaqytta memleket elimizdegi ardagerlerge kóp qamqorlyq jasaýda. Memlekettiń múmkindikterine sáikes, jyl saiyn zeinetaqy jáne járdemaqy mólsheri de artyp otyr. Óz kezeginde ardagerler de Elbasy saiasatyn qýattap, eldiń damýyna bar erik-jigerin jumsap keledi.
Qazaq halqynyń tuńǵysh Prezidenti Nursultan Ábishuly Nazarbaev halyqtyń basyn biriktirip, óz aldyna el qylýda kóp eńbek sińirdi. Ol kisiniń bastaýymen Otanymyz álemge tanyldy. Eldiń eldigin kórsetti, erligin tanytty.
Elbasynyń senim artýymen Prezident laýazymyna kirisken kúnnen bastap memleket basshysy Qasym-Jomart Toqaev óńirlerdi aralap, halyqpen jaqyn júzdesti. Búgingi jariialaǵan Úndeýinde Prezident biyl 9 maýsymda elimizde prezidenttik sailaý ótetini týraly aitty. «Biz Elbasynyń sara jolymen júremiz. Halqymyz – birtutas. Táýelsizdigimizdiń eń joǵary qundylyǵy retinde memleketimizdiń irgesi myǵym. Aldaǵy Prezident sailaýy osyǵan dálel bolýy kerek», – dedi Prezident óz sózinde.
Búginde elimizdiń birligi berik. Áleýmettik-ekonomikalyq jaǵdaiy, halqymyzdyń ál-aýqaty jaqsarýda. Ásirese, biyl áleýmettik salanyń áleýetin kóterýde kóptegen is-sharalar atqarylýda. Memleketimizde saiasi júie rettelgen.
Prezidenttik bilik tizginiń, qyzymet satysynyń sabaqtastyqpen, jaidary, jarasymdy qurmetti túrde Qasym-Jomart Toqaevqa aýysýy, Elbasynyń kóregendigi, danalyǵy dep túsinemiz. Bul halyq kókeiindegi oimen sáikes keledi.
Osy sátte álemdegi jaǵdaidy saralai otyryp, elimiz úshin óte mańyzdy, qajetti qadam jasaý– úlken kóregendik.
Biz, ardagerler, Memleket Basshysynyń bul qadamyn qýana quptaimyz. Álemdik arenadaǵy alar ornymyzdy joǵaltpai, beibit ómirimizdiń keleshegi jolynda árqaisysymyz sailaýǵa belsendi túrde qatysýǵa tiispiz» dep hat joldaǵan. Al, Túrkistan oblystyq «Azamattyq aliansy» bul sailaýdyń el taǵdyry úshin mańyzdy ekenin aitady.
«El Prezidenti Qasym-Jomart Toqaevtyń biyl 9 maýsymda kezekten tys prezident sailaýyn ótkizýge bailanysty jariialaǵan Úndeýine qoldaý bildiremiz. Qazaqstandy alda úlken ister kútip tur. Damyǵan 30 eldiń qataryna qosylý úshin aianbai eńbek etý kerek. Osy maqsattardy iske asyrý úshin aldymen memleket basshysyn sailap, aldaǵy bes jylda elimizdiń saiasi-ekonomikalyq baǵytyn kim júrgizetinin aiqyndap alýymyz kerek bolyp tur. Qazaqstanǵa búgingi tańda eń basty keregi saiasi-ekonomikalyq turaqtylyq pen qoǵamdyq kelisim jáne beibitshilik ekeni anyq.
Biliktiń aýysýy Konstitýtsiiaǵa sai júzege asyryldy. Endi ata zań boiynsha jańa prezident sailanady. Bul rette tańdaýdy jasaityn – halyq. Sondyqtan mundai aýqymdy da mańyzdy saiasi sharaǵa el turǵyndary nemquraily qaramaýy tiis. Óziniń azamattyq kózqarasyn bildirip, sailaýǵa qatysýy shart dep bilemin.
Prezident Qasym-Jomart Toqaev Úndeýinde Qazaqstandy demokratiialy memleket, sailaýdyń ádil ótetinine kepildik beretinin, kezekten tys sailaý ótkizýge Elbasy da, Premer-ministr de, Parlament te, Konstitýtsiialyq keńes te, saiasi partiia jetekshileri de qarsy emesterin atap ótti. Sondai-aq Prezident elmen kezdeskende qarapaiym halyq, ziialy qaýym, biznes ókilderi jáne investorlar durys jolmen kele jatqanymyzdy aitqandaryn jetkizdi. Sondyqtan elimizdiń árbir sanaly azamatyn aldaǵy sailaýǵa jaýapkershilikpen qaraýǵa shaqyramyz. Óitkeni el bolashaǵy siz ben bizdiń tańdaýymyzǵa bailanysty», – deidi Túrkistan oblystyq «Azamattyq alians» qaýymdastyǵynyń ókilderi.
Sonymen birge «Túrkistan oblysynyń isker áielder assotsiatsiiasy» qoǵamdyq birlestigi ujymdyq ún qosýynda «Álem jurtshylyǵy elimizdegi tatýlyqtyń qýaty men qundylyǵyna kóz jetkizip otyr. Endigi maqsat táýelsizdikti kózdiń qarashyǵyndai saqtaý ári ony odan ári nyǵaitý bolyp tabylady. Qazirgi ýaqytta Qazaqstan óziniń ekonomikalyq damýynyń jańa úrdisterimen de syrtqa tanylyp, saiasi turaqtylyqtyń arqasynda damyp keledi.
Qazaqstan Prezidenti halyqqa Úndeý jariialady. «Búgin elimizge jáne árqaisymyzǵa qatysty asa mańyzdy úndeý jariialaǵaly otyrmyn. Elimizdiń Konstitýtsiiasyna sáikes QR Prezidentiniń kezekten tys sailaýyn 2019 jyldyń 9 maýsymda ótkizý týraly sheshim qabyldadym», – dedi Qasym-Jomart Toqaev.
Eldigimizdi kórsetetin, tutastyǵymyzdy dáleldeitin shaq jetti. Prezidenttiń ózi aitqandai, qoǵamdyq-saiasi kelisimdi qamtamasyz etip, alǵa basý úshin de aiqyndyq qajet. Sol úshin sailaýǵa birkisidei jumylyp atsalysamyz. Elimizdiń ózge óńirlerindegi isker áielderi de bul bastamany qoldaidy dep senemiz», – delingen.
Túrkistan oblysy ákiminiń baspasóz qyzmeti
