Túrkistan oblysy Ordabasy aýdanynyń polıseıleri jol apatynyń aldyn alý, jol júrý qaǵıdatyn saqtaý maqsatynda erekshe aksıa ótkizdi. Polıseıler qoldanǵan bul tásil jergilikti turǵyndardy tań qaldyrdy, dep habarlaıdy Dalanews.kz.
Ordabasylyq polıseıler kólik júrgizýshilerin jolda muqıat bolýǵa shaqyryp qana qoımaı, olarǵa jyly sózder jazylǵan arnaıy kartochkalar usyndy.
“Siz jaqsy júrgizýshisiz”, “Sizdiń kúlkińiz ádemi”, “Siz óte ádemisiz”, “Siz jol erejesin qatań saqtaıtyn jansyz”. Tártip saqshylary júgingen mundaı ádis júrgizýshilerdiń nazaryn aýdaryp, aıryqsha áser syılady.
“Birlesken kúsh-jigermen ǵana biz jol qozǵalysynyń barlyq qatysýshylary úshin joldy qaýipsiz ete alamyz. Kishkentaı qateliktiń ózi qaıǵyly jaǵdaıǵa ákelýi múmkin. Árbir júrgizýshi men jaıaý júrginshi joldyń árdaıym qaýip-qatermen baılanysty ekenin túsinip, muqıat ári jaýapty bolýy qajet”, delingen Ordabasy aýdandyq polısıa bóliminiń baspasóz qyzmeti taratqan habarlamada.
