تۇركىستان وبلىسى ورداباسى اۋدانىنىڭ پوليسەيلەرى جول اپاتىنىڭ الدىن الۋ، جول ءجۇرۋ قاعيداتىن ساقتاۋ ماقساتىندا ەرەكشە اكسيا وتكىزدى. پوليسەيلەر قولدانعان بۇل ءتاسىل جەرگىلىكتى تۇرعىنداردى تاڭ قالدىردى، دەپ حابارلايدى Dalanews.kz.
ورداباسىلىق پوليسەيلەر كولىك جۇرگىزۋشىلەرىن جولدا مۇقيات بولۋعا شاقىرىپ قانا قويماي، ولارعا جىلى سوزدەر جازىلعان ارنايى كارتوچكالار ۇسىندى.
“ءسىز جاقسى جۇرگىزۋشىسىز”، “ءسىزدىڭ كۇلكىڭىز ادەمى”، “ءسىز وتە ادەمىسىز”، “ءسىز جول ەرەجەسىن قاتاڭ ساقتايتىن جانسىز”. ءتارتىپ ساقشىلارى جۇگىنگەن مۇنداي ءادىس جۇرگىزۋشىلەردىڭ نازارىن اۋدارىپ، ايرىقشا اسەر سىيلادى.
“بىرلەسكەن كۇش-جىگەرمەن عانا ءبىز جول قوزعالىسىنىڭ بارلىق قاتىسۋشىلارى ءۇشىن جولدى ءقاۋىپسىز ەتە الامىز. كىشكەنتاي قاتەلىكتىڭ ءوزى قايعىلى جاعدايعا اكەلۋى مۇمكىن. ءاربىر جۇرگىزۋشى مەن جاياۋ جۇرگىنشى جولدىڭ ءاردايىم قاۋىپ-قاتەرمەن بايلانىستى ەكەنىن ءتۇسىنىپ، مۇقيات ءارى جاۋاپتى بولۋى قاجەت”، دەلىنگەن ورداباسى اۋداندىق پوليسيا ءبولىمىنىڭ باسپا ءسوز قىزمەتى تاراتقان حابارلامادا.
