Búgingi tańda 4 aýsymmen balany qabyldap jatqan qala syrtyndaǵy lagerlerde 15 myńnan astam bala saýyqtyryldy. Al 17 myńǵa jýyq bala shilde, tamyz aılarynda atalǵan lagerlerde demaldyrý josparlanǵan. Budan bólek, 905 mektep janyndaǵy lagerde 193 myńnan astam oqýshy jazǵy ýaqytyn tıimdi ótkizgen. Bul óńirdegi oqýshylardyń 32,2 paıyzyn quraıdy.
Sonymen qatar, Túlkibas aýdanyndaǵy «Samal» lagerinde oblystaǵy bes balalar úıiniń 350-ge jýyq tárbıelenýshileri jaz boıy demalady.
Buǵan qosa, jaz boıy balalardyekskýrsıa, saıahatqaaparý jumysy jalǵasyn tabýda. Máselen, respýblıkalyq ólketaný aksıasy aıasynda 200 bala maýsym, shilde aılarynda «Astana – meniń Otanymnyń elordasy» atty áleýmettik joba negizinde Astana qalasyna saıahatqa jiberildi. Al, týǵan eldiń mádenıeti men tarıhyn neǵurlym tereń zerdeleý, tarıhı oryndardyń alýan túrliligi men erekshelikteri týraly bilim alý maqsatynda shilde aıynyń 2-9 aralyǵynda oblystan 70 oqýshy Qostanaı oblysy Arqalyq qalasyna saıahatqa baryp qaıtty. Sonymen qatar, óńirdiń tarıhı murajaılaryna saıahat jasaý maqsatynda «Oblys tarıhy» atty úsh kúndik kerýen-sherýi aksıasy ótkizilip, oǵan oblysymyzdan az qamtylǵan otbasylardan shyqqan 150 oqýshy qatystyryldy.
Bıylǵy jaz mezgilinde oqýshylardy barlyq saýyqtyrý jáne demalys sharalarynyń túrlerimen qamtý 95-ǵa paıyzǵa jetpek.
Túrkistan oblysy ákiminiń baspasóz qyzmeti
