Túrkistandyq kásipker Prezidentke alǵys aityp, rizashylyǵyn jetkizdi
«Mal basy sanynyń kóbeigenine bailanysty óńirdegi et óndirý kórsetkishi 7 paiyzǵa artqan. Nátijesinde óndirilgen et kólemi 154,7 myń tonnaǵa jetip otyr. Al jumyrtqa ónimi 9,2 paiyzǵa artyp, 146,7 mln danany qurady. Sút 3,2 paiyzǵa artyp, 555 myń tonnany qurady. Jalpy, oblysta 4,5 myń tonna iri qaranyń eti alys-jaqyn shet elderge eksporttalyp, tapsyrma 4,5 esege oryndaldy. Bul etti eksporttaý boiynsha óńirimizdiń respýblikada 1-orynda turǵanyn bildiredi», – dedi Nurbek Badyraqov.
Búginde 2018-2027 jyldarǵa arnalǵan uzaq merzimdi etti mal sharýashylyǵyn damytý baǵdarlamasyna sáikes Túrkistan oblysynyń jumys jospary ázirlenip, Aýyl sharýashylyǵy ministrligimen kelisilip, bekitilgen. Joba boiynsha analyq iri qara mal basyn 2027 jylǵa qarai 1 218,7 myń basqa jetkizý, analyq iri qara mal basynyń importyn 36 myń basqa jetkizý, fermerlik sharýashylyqtardyń analyq iri qara malyn satyp alýyn 150 myń basqa jetkizý kózdelgen. Baǵdarlamanyń negizgi mindeti fermerlik sharýashylyqtardy damytý bolyp tabylady. Baǵdarlama aiasynda 15 jylǵa deiin 4 paiyzben nesie beriledi.
Elbasy Nursultan Nazarbaev halyqqa arnaǵan Joldaýynda Túrkistan oblysyndaǵy «Bórte-Milka» kompaniiasynyń jetistigine arnaiy toqtalǵan edi. «Negizgi mindet – eńbek ónimdiligin jáne qaita óńdelgen aýyl sharýashylyǵy óniminiń eksportyn 2022 jylǵa qarai 2,5 ese kóbeitý. Máselen, Túrkistan oblysynda «Bórte Milka» JShS jańa zamanaýi tehnologiialardy paidalanýdyń arqasynda ónimdilikti 2 esege arttyrǵan» degen bolatyn. Ózi basqaratyn kompaniianyń Joldaýda Elbasynyń jyly pikirge ie bolǵanyna qýanǵan «Bórte-Milka» kompaniiasynyń basshysy, túrkistandyq kásipker Nuraly Ábishev brifing ótkizip, Elbasyǵa arnaiy telegramma joldaǵanyn málimdedi.
Jedelhatta belgili kásipker «Qurmetti, Elbasy! Bizdiń kásiporyndy búkil elge úlgi etip kórsetýińiz onyń quryltaishysy retinde meni airyqsha qýanyshqa bóledi. Sizdiń «Bórte-Milkaǵa» arnaǵan jyly lebizińiz bizdiń ujymǵa qanat bitirdi. Kásiporynnyń osyndai dárejege jetýine Sizdiń úlesińiz zor. Sebebi ózińizdiń bastamańyzben kásipkerlik salasyna memleketten kóptegen jeńildikter jasalyp jatyr. Memlekettik qoldaýǵa ie bolyp, 1 mlrd teńgege zamanaýi tehnikalar men qurylǵylar ornattym. Nátijesinde Túrkistan oblysynda jasalǵan sút ónimderi elimizdiń túkpir-túkpirine tarap jatyr. Biylǵy Joldaýyńyzda aitylǵan mindetterdi oryndaýǵa barynsha kúsh salamyz jáne bastamalaryńyzdy naqty ispen qoldaityn bolamyz!» dep júrekjardy tolqynysyn jetkizipti.
Nuraly Ábishevtiń aitýynsha, kásipkerlerge úlgi retinde aitylǵan kásiporyndaǵy qurylǵylar asa qymbat ári sapaly. Kásipker kompaniiany damytýǵa 3 milliard teńge jumsasa, onyń 1 milliard teńgesine shetelden qurylǵy satyp alǵan. Búginde Ordabasy aýdanyndaǵy kompaniiada 70 adam jumys istep jatyr.
«Elge tanymal «Bórte-Milka» sút-taýarlyq fermasy óndiristi modernizatsiialaý sheńberinde shved tehnologiiasy boiynsha táýligine 8 tonna sút óndirýde. Óӊirde balamasy joq kásiporyn respýblika boiynsha eӊ zamanaýi sút-taýarlyq fermalarynyӊ alǵashqy úshtigine kiredi. Mundaǵy jumys tolyǵymen robottandyrylǵan. Keshende búginde 400-den asa saýyn siyr bar. Úsh mezgil saýylatyn bir iri qaranyń táýliktik ortasha ónimdiligi – 30-32 litr. Sondai-aq, óńirdegi jas mamandardy jumysqa qabyldap otyrmyz. Aldaǵy ýaqytta zaýytqa gollandiialyq tehnologiiany endirý arqyly ónimdilikti eseleýdi josparlaýdamyz. Jalpy, bul Joldaý aýyl sharýashylyǵy salasyndaǵy kásiporyndarǵa qoldaý bolmaq», – dedi Nuraly Álmahanuly.
