Túrkistandyq jastar. «Joldaý – tabys pen turmys sapasyn arttyrady»
Memleket basshysynyń kezekti Joldaýyna bailanysty Túrkistan oblysy ákimdiginde ótken brifingte oblystyq otbasy, balalar jáne jastar isteri jónindegi basqarmasynyń basshysy Balmarjan Narbekova Túrkistan óńiriniń jastary Joldaýdy qoldaýǵa daiyn ekendigin aitty.
– Elbasy Nursultan Ábishuly Nazarbaev «Qazaqstandyqtardyń ál-aýqatynyń ósýi: tabys pen turmys sapasyn arttyrý» atty Qazaqstan halqyna kezekti Joldaýynda 2019 jyl – jastar jyly dep ataýdy usynamyn dedi. Munyń ózi jastarǵa arnalǵan úlken qoldaý. Joldaýda aitylǵandai, 2019 jyldyń 1 qańtarynan bastap eń tómengi jalaqyny 1,5 ese, iaǵni 28 myńnan 42 myńǵa deiin ósirýdiń ózi jastarǵa edáýir kómek bolmaq. Bul turǵyda Túrkistan óńiriniń jastary Joldaýda aitylǵan barlyq mejelerdi oryndaýǵa daiyn, – dedi Balmarjan Polatqyzy.
Sonymen qatar, Prezident aýyldyq jerlerdiń áleýmettik ortasyn jańǵyrtýǵa baǵyttalǵan «Aýyl – El besigi» jobasynyń iske qosylýyn tapsyrdy. Sondai-aq, «Sarbaz» balalar-jasóspirimder birlestigin quryp, mektepterde áskeri-patriottyq tárbieniń rólin kúsheitý qajettigin aitty.
Túrkistan oblysy ákiminiń baspasóz qyzmeti
