Biraq júrektiń qolqa doǵasynyń aqaýymen dúniege kelgen sábi ómirine alǵashqy kúnderinen qaýip tóngen. Bul diagnoz júrektiń eń aýyr aqaýy bolyp sanalady.
Ómiri qyl ústinde turǵan kishkentai Sofiiany Shymkent qalalyq perzenthanadan oblystyq balalar aýrýhanasyna shuǵyl túrde sanitarlyq aviatsiiamen jetkizýge týra kelgen.
Dárigerler tez arada nárestege ota jasaýǵa kirisedi. Kúrdeli operatsiia 5 saǵatqa sozylǵan. Bir jetige taiaǵanda keýde qýysy jabylyp, bala aman qaldy. Qazirgi ýaqytta sábidiń densaýlyǵy jaqsaryp, kardiohirýrgiia bólimine aýystyrylǵan. Júrektiń qolqa doǵasynyń aqaýyna ota jasalmaǵan jaǵdaida, bala qan ainalymy júrmei eki aptaǵa jeter-jetpes baqilyq bolatyn kórinedi.
Sol sebepti der kezinde dárigerlik kómek kórsetý asa mańyzdy.
Jalpy, Túrkistan oblystyq balalar aýrýhanasynyń kardiohirýrgiia bólimshesinde jyl saiyn sábilerdiń ashyq júreginde 250 ota jasalynady. Olardyń 40% - y júrek aqaýy bar jańa týǵan náresteler.
Túrkistan oblystyq balalar aýrýhanasynda dárigerlerdiń biliktiligin arttyrý maqsatynda túrli oqytý sharalary uiymdastyrylyp otyrady.
Bas dárigeri Gaýhar Úkibaevanyń aitýynsha, aýrýhanada kúni keshe Triaj júiesi engizilip, shuǵyl meditsinalyq kómek taqyrybynda qyzmetkerlerine arnaiy dáris ótkizilgen.
Balalarǵa meditsinalyq qyzmet kórsetýdiń sapasy men qoljetimdiligin jaqsartý maqsatynda qabyldaý bólmesin talapqa sai qaita jańǵyrtý qarastyrylyp otyr.
