ءبىراق جۇرەكتىڭ قولقا دوعاسىنىڭ اقاۋىمەن دۇنيەگە كەلگەن ءسابي ومىرىنە العاشقى كۇندەرىنەن ءقاۋىپ تونگەن. بۇل دياگنوز جۇرەكتىڭ ەڭ اۋىر اقاۋى بولىپ سانالادى.
ءومىرى قىل ۇستىندە تۇرعان كىشكەنتاي سوفيانى شىمكەنت قالالىق پەرزەنتحانادان وبلىستىق بالالار اۋرۋحاناسىنا شۇعىل تۇردە سانيتارلىق اۆياسيامەن جەتكىزۋگە تۋرا كەلگەن.
دارىگەرلەر تەز ارادا نارەستەگە وتا جاساۋعا كىرىسەدى. كۇردەلى وپەراسيا 5 ساعاتقا سوزىلعان. ءبىر جەتىگە تاياعاندا كەۋدە قۋىسى جابىلىپ، بالا امان قالدى. قازىرگى ۋاقىتتا ءسابيدىڭ دەنساۋلىعى جاقسارىپ، كارديوحيرۋرگيا بولىمىنە اۋىستىرىلعان. جۇرەكتىڭ قولقا دوعاسىنىڭ اقاۋىنا وتا جاسالماعان جاعدايدا، بالا قان اينالىمى جۇرمەي ەكى اپتاعا جەتەر-جەتپەس باقيلىق بولاتىن كورىنەدى.
سول سەبەپتى دەر كەزىندە دارىگەرلىك كومەك كورسەتۋ اسا ماڭىزدى.
جالپى، تۇركىستان وبلىستىق بالالار اۋرۋحاناسىنىڭ كارديوحيرۋرگيا بولىمشەسىندە جىل سايىن سابيلەردىڭ اشىق جۇرەگىندە 250 وتا جاسالىنادى. ولاردىڭ 40% - ى جۇرەك اقاۋى بار جاڭا تۋعان نارەستەلەر.
تۇركىستان وبلىستىق بالالار اۋرۋحاناسىندا دارىگەرلەردىڭ بىلىكتىلىگىن ارتتىرۋ ماقساتىندا ءتۇرلى وقىتۋ شارالارى ۇيىمداستىرىلىپ وتىرادى.
باس دارىگەرى گاۋحار ۇكىبايەۆانىڭ ايتۋىنشا، اۋرۋحانادا كۇنى كەشە ترياج جۇيەسى ەنگىزىلىپ، شۇعىل مەديسينالىق كومەك تاقىرىبىندا قىزمەتكەرلەرىنە ارنايى ءدارىس وتكىزىلگەن.
بالالارعا مەديسينالىق قىزمەت كورسەتۋدىڭ ساپاسى مەن قولجەتىمدىلىگىن جاقسارتۋ ماقساتىندا قابىلداۋ بولمەسىن تالاپقا ساي قايتا جاڭعىرتۋ قاراستىرىلىپ وتىر.
