Almaty qalasyndaǵy "Medeý" muz aidynynda ulttyq qolónerdi ulyqtaýǵa arnalǵan erekshe kórme ótti,- dep habarlaidy Dalanews.kz
Bul – belsendi qolóner janashyry, ónertanýshy Nurgúl Abaihannyń bastamasymen júzege asqan "ALAMAN QURAQ-2025" jobasy aiasyndaǵy aitýly shara. Atalǵan joba Ginnestiń rekordtar kitabyna enýge úmitker retinde usynylyp otyr.
Kórmede 660 quraq kórpeshe men ulttyq naqyshtaǵy "Alma jastyq" úlgileri qoiyldy. Kórmeniń basty simvolyna ainalǵan qyzyl oiýly Alma jastyq - Almaty qalasynyń beinesin pash etse, respýblikanyń túkpir-túkpirinen kelgen 660 quraqshy óz qolymen daiyndaǵan kórpeshelerin usyndy. Olar ulttyq kiim kiip, halqymyzdyń kóne ónerin zamanaýi deńgeide tanytty.
Jobaǵa Túrkistan oblysynan 100 quraqshy qatysty. Olar ulttyq ónerdiń ulyqtalýyna ózindik úlesin qosyp, erekshe sharaǵa belsene qatysty.
"Alaman quraq" – bul tek qolóner kórmesi emes. Bul – ult rýhynyń jańǵyrýyna baǵyttalǵan iri mádeni bastama. Jobanyń negizgi maqsaty – ulttyq sanany tárbieleý, dástúr men ónerdi ushtastyryp, ata-babadan qalǵan rýhani murany keler urpaqqa amanattaý.
