الماتى قالاسىنداعى "مەدەۋ" مۇز ايدىنىندا ۇلتتىق قولونەردى ۇلىقتاۋعا ارنالعان ەرەكشە كورمە ءوتتى،- دەپ حابارلايدى Dalanews.kz
بۇل – بەلسەندى قولونەر جاناشىرى، ونەرتانۋشى نۇرگۇل ابايحاننىڭ باستاماسىمەن جۇزەگە اسقان "ALAMAN QURAQ-2025" جوباسى اياسىنداعى ايتۋلى شارا. اتالعان جوبا گيننەستىڭ رەكوردتار كىتابىنا ەنۋگە ۇمىتكەر رەتىندە ۇسىنىلىپ وتىر.
كورمەدە 660 قۇراق كورپەشە مەن ۇلتتىق ناقىشتاعى "الما جاستىق" ۇلگىلەرى قويىلدى. كورمەنىڭ باستى سيمۆولىنا اينالعان قىزىل ويۋلى الما جاستىق - الماتى قالاسىنىڭ بەينەسىن پاش ەتسە، رەسپۋبليكانىڭ تۇكپىر-تۇكپىرىنەن كەلگەن 660 قۇراقشى ءوز قولىمەن دايىنداعان كورپەشەلەرىن ۇسىندى. ولار ۇلتتىق كيىم كيىپ، حالقىمىزدىڭ كونە ونەرىن زاماناۋي دەڭگەيدە تانىتتى.
جوباعا تۇركىستان وبلىسىنان 100 قۇراقشى قاتىستى. ولار ۇلتتىق ونەردىڭ ۇلىقتالۋىنا وزىندىك ۇلەسىن قوسىپ، ەرەكشە شاراعا بەلسەنە قاتىستى.
"الامان قۇراق" – بۇل تەك قولونەر كورمەسى ەمەس. بۇل – ۇلت رۋحىنىڭ جاڭعىرۋىنا باعىتتالعان ءىرى مادەني باستاما. جوبانىڭ نەگىزگى ماقساتى – ۇلتتىق سانانى تاربيەلەۋ، ءداستۇر مەن ونەردى ۇشتاستىرىپ، اتا-بابادان قالعان رۋحاني مۇرانى كەلەر ۇرپاققا اماناتتاۋ.
