Áleýmettik jelide ákesin uryp-soqqan er adamnyń videosy tarady. Keiinirek bul derek boiynsha qylmystyq is qozǵaldy. Kúdikti ustalyp, ýaqytsha ustaý izoliatoryna qamaldy. Onyń áieline qatysty da tergeý júrgizilip jatyr,- dep habarlaidy Dalanews.kz.
Tengrinews.kz-ke bergen jaýabynda politsiia marqumnyń kelinine qatysty da tergeý júrgizilip jatqanyn málimdedi.
Qylmystyq is QK-niń 109-1-baby 2-bóligi 3-tarmaǵy "Kináli adamǵa dármensiz kúide ekeni kórineý belgili ne kináli adamǵa materialdyq jaǵynan nemese ózgeshe túrde táýeldi adamǵa qatysty jasalǵan uryp-soǵý" boiynsha qozǵalǵan.
Eske salaiyq, áleýmettik jelide Túrkistan oblysy Shardara aýdanynda qartaiǵan ákesin balasy aiaýsyz soqqyǵa jyqqany túsirilgen video taraǵan bolatyn.
Kadrdan balasy men kelini sóilei almaityn, ózdiginen júrip-tura almaityn qariiany kóshede jáne úi aýlasynda súirep júrgenin kórýge bolady. Uly ákesin balaǵattap, júre almaǵany úshin birneshe ret uryp-soqqan. Soqqydan qariianyń aýzynan qan ketkeni baiqalady. Biraq qariia esh qarsylyq bildirmeidi, al kelini arasha túspeidi.
Jelide bul jaǵdai qyzý talqylanyp, úlken rezonans týdyrdy.
