Onyń atap ótkenindei oblysta «Salamatty Qazaqstan» baǵdarlamasynyń kórsetkishteri boiynsha ótken jyly densaýlyq saqtaý salasynda nátijeli jetistikterge kol jetkizildi.
Budan bólek ol Prezident tapsyrmasyna sáikes, «Densaýlyq» memlekettik baǵdarlamasynyń óńirdegi júzege asyrylý barysyn egjei-tegjeili baiandap, biylǵy jyly meditsina salasy boiynsha mejelengen negizgi kórsetkishterge qol jetkizilgenin atap ótti.
– Túrkistan oblysy densaýlyq saqtaý aiasyndaǵy memlekettik baǵdarlamalarynyń negizgi nátijeli kórsetkishi boiynsha búgingi kúni besinshi orynda. Sonyń ishinde náreste ólim-jitim kórsetkishi ótken jylmen salystyrǵanda 12,6 paiyzǵa tómendedi. Bul boiynsha respýblikada 8 orynda bolsaq, ana ólim-jitim kórsetkishimen oblys elimizde 9 orynda. Al týberkýlezden ólim-jitim kórsetkishi 33,3 paiyzǵa tómendegen. Bul nátijeli jumystar memlekettik baǵdarlamalardyń aiasynda jasalǵan jumystardyń jaqsy kórsetkishi dep bilemin,- dedi Muqan Egizbaev. Basqarma basshysynyń aitýynsha, oblystaǵy meditsina uiymdarynyń jabdyqtalýy 65 paiyzdan asqan.
"Aǵymdaǵy jyly meditsinalyq uiymdardyń materialdyq-tehnikalyq jabdyqtalýyna 8,1 mlrd. teńge bólinip, ótken jylmen salystyrǵanda 1,5 esege artyp otyr", – dedi ol.
