ونىڭ اتاپ ٶتكەنٸندەي وبلىستا «سالاماتتى قازاقستان» باعدارلاماسىنىڭ كٶرسەتكٸشتەرٸ بويىنشا ٶتكەن جىلى دەنساۋلىق ساقتاۋ سالاسىندا نەتيجەلٸ جەتٸستٸكتەرگە كول جەتكٸزٸلدٸ.
بۇدان بٶلەك ول پرەزيدەنت تاپسىرماسىنا سەيكەس, «دەنساۋلىق» مەملەكەتتٸك باعدارلاماسىنىڭ ٶڭٸردەگٸ جٷزەگە اسىرىلۋ بارىسىن ەگجەي-تەگجەيلٸ بايانداپ, بيىلعى جىلى مەديتسينا سالاسى بويىنشا مەجەلەنگەن نەگٸزگٸ كٶرسەتكٸشتەرگە قول جەتكٸزٸلگەنٸن اتاپ ٶتتٸ.
– تٷركٸستان وبلىسى دەنساۋلىق ساقتاۋ اياسىنداعى مەملەكەتتٸك باعدارلامالارىنىڭ نەگٸزگٸ نەتيجەلٸ كٶرسەتكٸشٸ بويىنشا بٷگٸنگٸ كٷنٸ بەسٸنشٸ ورىندا. سونىڭ ٸشٸندە نەرەستە ٶلٸم-جٸتٸم كٶرسەتكٸشٸ ٶتكەن جىلمەن سالىستىرعاندا 12,6 پايىزعا تٶمەندەدٸ. بۇل بويىنشا رەسپۋبليكادا 8 ورىندا بولساق, انا ٶلٸم-جٸتٸم كٶرسەتكٸشٸمەن وبلىس ەلٸمٸزدە 9 ورىندا. ال تۋبەركۋلەزدەن ٶلٸم-جٸتٸم كٶرسەتكٸشٸ 33,3 پايىزعا تٶمەندەگەن. بۇل نەتيجەلٸ جۇمىستار مەملەكەتتٸك باعدارلامالاردىڭ اياسىندا جاسالعان جۇمىستاردىڭ جاقسى كٶرسەتكٸشٸ دەپ بٸلەمٸن,- دەدٸ مۇقان ەگٸزباەۆ. باسقارما باسشىسىنىڭ ايتۋىنشا, وبلىستاعى مەديتسينا ۇيىمدارىنىڭ جابدىقتالۋى 65 پايىزدان اسقان.
"اعىمداعى جىلى مەديتسينالىق ۇيىمداردىڭ ماتەريالدىق-تەحنيكالىق جابدىقتالۋىنا 8,1 ملرد. تەڭگە بٶلٸنٸپ, ٶتكەن جىلمەن سالىستىرعاندا 1,5 ەسەگە ارتىپ وتىر", – دەدٸ ول.
