Investitsiia salymdarynyń basym bóligi ónerkásip, aýyl, orman jáne balyq sharýashylyǵy jáne jyljymaityn múlikpen jasalatyn operatsiialar salalaryna tiesili. Negizgi investitsiialyq salymdardyń 80,7 paiyzyn shaǵyn kásiporyndar júzege asyrǵan, olardyń kólemi – 232 mlrd. 376 mln. teńge.
Budan ózge, 2019 jylǵy 1 qańtary boiynsha Túrkistan oblysynda 14 059 zańdy tulǵa tirkelgen. Respýblika boiynsha tirkelgen zańdy tulǵalardyń jalpy sanyndaǵy oblystyń úlesi 3,2 paiyz. Oblysta zańdy tulǵalardyń jii tirkeletin qyzmet túri – aýyl, orman jáne balyq sharýashylyǵynda.
Sonymen qatar, oblystaǵy bólshek saýdanyń kólemi ótken jyly 148 286 mln. teńgege jetip, 2017 jyldyń tiisti kezeńimen salystyrǵanda 4,1 paiyzǵa ósti. Bólshek saýda ainalymynyń jalpy kóleminde azyq-túlik taýarlarynyń úlesi – 27 %, azyq-túlik emes taýarlary – 73%. Kóterme saýdanyń kólemi 69 mlrd. 784 mln. teńgege jetken. Kóterme saýda taýar ainalymynyń qurylymynda 53,4 paiyzyn azyq-túlik emes taýarlar jáne óndiristik-tehnikalyq mándegi ónimder alady.
Sondai-aq, 2018 jyly Túrkistan oblysynyń Eýraziialyq ekonomikalyq odaq elderimen ózara saýda ainalymynyń kólemi – 235 mln. AQSh dollardy qurady. Onyń ishinde eksport – 179 mln. AQSh dollary, import – 56 mln. AQSh dollar.
Túrkistan oblysyndaǵy jumys istep turǵan shaǵyn jáne orta kásipkerlik (ShOK) sýbektileriniń sany 2019 jylǵy 1 qańtaryndaǵy esep boiynsha 130 804 birlikti qurady, bul 2018 jyldyń tiisti kezeńi deńgeiinen 6,4 paiyzǵa joǵary. Qazaqstan Respýblikasy boiynsha jumys isteitin shaǵyn jáne orta kásipkerlik sýbektileriniń 10,5 paiyzy Túrkistan oblysyna tiesili.
Túrkistan oblysy ákiminiń baspasóz qyzmeti
