Túrkistanda HI jazǵy ýniversiada oiyndarynyń ashylý saltanaty ótedi
Aitýly shara el Táýelsizdiginiń jáne Q.A.Iasaýi atyndaǵy HQTÝ-dyń 30 jyldyǵy qarsańynda uiymdastyrylyp otyr. Sondai-aq, «Túrkistan – túrki áleminiń rýhani astanasy» atanyp, atalǵan sporttyq shara oblys ortalyǵynda alǵash ret ótýde. Bul týraly brifingte Qoja Ahmet Iasaýi atyndaǵy Halyqaralyq qazaq-túrik ýniversitetiniń rektory Janar Temirbekova málimdedi.
– HI jazǵy Ýniversiada – sporttyń 30 túrinen elimizdiń ár túkpirinen myqtylardy biriktirgen aýqymdy sporttyq-buqaralyq joba. Ýniversiada aiasyndaǵy jarystar Nur-Sultan, Almaty, Túrkistan, Taraz, Qostanai, Óskemen qalalarynda ótip jatyr. Qazirgi tańda 20 ýniversitettiń stýdentteri ózara saiysqa túsýde. Aita ketetin jait, Túrkistan qalasyndaǵy XI-shi jazǵy Ýniversiadanyń resmi ashylý saltanatynda elimizdiń 20 joǵary oqý oryndarynan quralǵan arnaiy sherý, sahnalyq kórinister, fleshmob ótetin bolady. Atalǵan sporttyq shara «Turkistan» telearnasynan tikelei efirde kórsetilmek, – dedi Janar Amangeldiqyzy.
Sondai-aq, brifingke qatysqan QR BǴM «Ulttyq ǵylymi-praktikalyq dene tárbiesi ortalyǵynyń» bas direktory Tastanbek Esentaev pen Halyqaralyq dárejedegi tóreshi, professor Ábdisadyq Halilaev jarysqa qatysyp jatqan komandalardyń daiyndyǵy óte joǵary ekendigin atap ótti.
Ýniversiada oiyndary kezinde barlyq karantin talaptary saqtalýda. Sportshylar PTsR test arqyly qabyldanyp jarystarǵa jiberilýde. Biylǵy jeńimpazdar 2022 jyly Qytaida ótetin Dúniejúzilik jazǵy Ýniversiadaǵa Qazaqstan qurama komandasy sapynda el namysyn qorǵaityn bolady.
