Túrkistan qalasyndaǵy «Dostyq úiinde» ýkrainalyq «UBC» kompaniiasynyń seriktesteri jáne investorlarymen biznes-forým ótti. Halyqaralyq forýmǵa Ýkraina, Túrkiia, Grýziia, Qytai, Ázerbaijan, Ózbekstan jáne elimizdiń iri kompaniia ieleri men ókilderi qatysty, dep habarlaidy Dalanews.kz
Forýmda, aldymen Túrkistan oblysynyń investitsiialyq-ekonomikalyq áleýeti týraly prezentatsiia jasaldy.
Túrkistan oblysynyń ákimi Nuralhan Kósherov aimaqtyń investitsiialyq áleýetine toqtalyp, jiynǵa qatysýshylardy birlese jumys isteýge shaqyrdy. Tońazytqyshtar óndirisi jobasynyń sátti júzege asatynyna senim bildirdi.
– Sizderdi túrki tildes halyqtardyń júregi sanalatyn Túrkistan qalasynda qarsy alǵanyma qýanyshtymyn! Búgingi is-shara – ideialar almasatyn jáne jetken jetistikter týraly oi bólisetin tamasha alań. Memleket basshysynyń tikelei tapsyrmasymen óńirge investitsiia tartý jumystary qarqyn alyp, kásiporyndar ashylýda. Túrkistan – Uly Jibek jolynda ornalasqan Qazaqstannyń tarihi-mádeni ortalyǵy. Tarihy tereń shahardyń búkil túrki halyqtary úshin rýhani mańyzy joǵary. Batys pen shyǵystyń arasyndaǵy saýda qatynastary, tiimdi geografiialyq ornalasýy jáne kóptegen tarihi nysandary Túrkistandy Ortalyq Aziiadaǵy investitsiialar men týrizmniń ortalyǵyna ainaldyrýǵa zor múmkindikter beredi. 2018 jyly qurylǵan Túrkistan oblysy saýda-ekonomikalyq bailanystardy jáne ózara tiimdi yntymaqtastyqty damytý úshin úlken áleýetke ie. Qazirgi ýaqytta óńirdiń investitsiialyq qorjynynda 2025-2028 jyldarǵa josparlanǵan 110 investitsiialyq joba bar. Bul jobalar 4,6 milliard AQSh dollaryna deiin investitsiia tartýǵa jáne 19 myńnan astam jańa jumys ornyn qurýǵa múmkindik beredi. Sondai-aq, óńirde «TURAN» arnaiy ekonomikalyq aimaǵy jáne indýstrialdy aimaqtar siiaqty investitsiialyq alańdar bar. Oblys ákimdigi investorlardyń barlyq bastamalaryn qoldaýǵa daiyn ekenin atap ótkim keledi, – dedi Nuralhan Kósherov.
Mańyzdy basqosýda «Túrkistan Invest» kompaniiasynyń basqarma tóraǵasy Ómirzaq Iýsýpov Túrkistan oblysynyń investitsiialyq áleýetin tanystyryp, usynylatyn múmkindikter týraly baiandady.
Túrkistan oblysy – bizneske baǵdarlanǵan aimaq. Óńirde 210 myńnan astam shaǵyn jáne orta biznes ókili jumys isteidi. Onyń ishinde, 160-tan astam kompaniia sheteldik investorlardyń qatysýymen iske asyrylýda. Sonymen qatar 80 myńnan astamy – sharýashylyq jáne fermerlik qojalyqtar. Sońǵy 6 jylda Úkimettiń jáne oblys ákiminiń qoldaýynyń arqasynda óńirde investitsiia tartý boiynsha aýqymdy sharalar atqaryldy. 2018 jyldan beri oblysqa shamamen 9 milliard AQSh dollary kóleminde investitsiialar tartyldy. Onyń ishinde, 63%-y – jeke investitsiialar. Investitsiialar ónerkásip, jyljymaityn múlik, aýyl sharýashylyǵy, týrizm jáne jańartylatyn energiia kózderi siiaqty salalarǵa baǵyttaldy.
«UBC Group» kompaniiasynyń iesi Igor Gýmennyi oblys ákimdigi tarapynan kórsetilgen qoldaýǵa alǵysyn jetkizip, Túrkistan óńirinde tońazytqyshtar óndirisi jobasynyń sátti júzege asatynyna senim bildirdi. «UBC Group» basshylyǵy 2023 jyly óndiristik alańdaryn Qazaqstanda ornalastyrý týraly sheshim qabyldap, jańa zaýyt salý úshin oryn izdei bastaǵanyn jetkizdi. Túrkistan oblysynyń ákimdigimen tiimdi jumys isteý nátijesinde Túrkistan tańdalǵanyn aitty. Kompaniianyń tarihy men jetken jetistikterine toqtaldy. Birneshe baǵyt boiynsha sátti jumys istep kele jatqanyn málimdep, álemdik iri kompaniialarmen seriktes ekenin aitty.
«UBC Group» sýsyndar men azyq-túlikterge arnalǵan tońazytqysh jabdyqtaryn óndirý, jarnamalyq materialdardy ázirleý jáne óndirý, jabdyqtar men tehnikalyq protsesterdi jobalaý jáne montajdaý, tońazytqysh jabdyqtaryn jańartý jáne qyzmet kórsetý, taýarlary men qyzmetterin satý siiaqty birneshe baǵyt boiynsha jumys isteidi.
Forým sońynda qatysýshylar suraqtaryn qoiyp, pikir almasty. Shet memleketterden kelgen investorlar Túrkistan oblysynyń investitsiialyq áleýetin oń baǵalap, birlese jumys jasaýǵa niet bildirdi.
