Kezdesýde mektep jáne bala-baqshadaǵy muǵalimderge aýrýdyń juǵý joldary jáne aldyn alý men ony emdeýdiń mańyzdylyǵy aıtyldy. Sondaı-aq, salaýatty ómir saltyn qalyptastyrý ortalyǵynyń mamandary jıynǵa qatysqan azamattarǵa VICH-ınfeksıasy jazylǵan jadynama qaǵazdaryn taratty.
Gúljan Ámirqulova, oblystyq salaýatty ómir saltyn qalyptastyrý ortalyǵynyń mamany: «Dıskrımınasıaǵa jol joq!» uranymen 6 — qarashadan bastap kezdesýler ótýde. Kezdesýdiń maqsaty AITV-JITS-tiń aldyn alý týraly qatysýshylardyń aqparattandyrylýyn arttyrý jáne de óz densaýlyǵyna jaýapkershilikpen qaraý bolyp tabylady. İs-shara barysynda AITV jáne JITS týraly, ınfeksıanyń taralý, aldyn alý joldaryna tolyǵyraq toqtalý arqyly málimetter berý».
Aıta keteıik, ortalyq mamandary úsh kún boıy «Dıskrımınasıaǵa jol joq!» degen ataýmen qaladaǵy mekemelerde túsindirý jumystaryn júrgizedi. Salaǵa jaýaptylar aýrýdy aldyn alý boıynsha jıyndardy halyq kóp shoǵyrlanǵan oryndarda ótkizbek.
