Túrkistan qalasynda úkimettik emes uıymdardyń oblystyq VIII Azamattyq forýmy bastaldy.

Eki jylda bir ret ótkiziletin atalmysh forým —qoǵamdyq uıymdar men bılik ókilderiniń arasyndaǵy ózara yntymaqtastyq pen is-qımyl júrgizý úshin qurylǵan suhbat alańy.

Túrkistan oblysy ákimdiginiń ishki saıasat basqarmasy uıymdastyrǵan forým aıasynda «Úkimettik emes uıymnyń uıymdyq damýy» jáne «Jastar uıymdarynyń azamattyq qoǵamdy damytýdaǵy róli. Eriktiler qozǵalysyn damytý» taqyryptarynda 2 plenarlyq seksıa ótti.

Dástúrli shara  memlekettik saıasatty júzege asyrýdaǵy qoǵamnyń Úkimettik emes sektory men memlekettik organdarmen qarym-qatynasyn damytý maqsatynda uıymdastyryldy.

«Qasıet» qoǵamdyq birlestiginiń tóraıymy Gúlsim Andabaeva men «Jalyn» jastar uıymy» qoǵamdyq birlestiginiń tóraǵasy Qurmet Kerimbekov plenarlyq seksıanyń tizginshisi retinde jıynǵa kelgen úkimettik emes uıymdardyń, qoǵamdyq birlestikterdiń múshelerimen birge óz oı-pikirlerin, usynystaryn ortaǵa saldy.

Sondaı-aq, jıynda Túrkistan oblysy ákimdigine qarasty basqarmalardyń ókilderi memleket tarapynan jasalynyp jatqan áleýmettik jobalardyń sıpattamasyna, onyń jastarǵa tıimdiligine toqtaldy.

Jastar bolashaǵyna beı-jaı qaramaıtyn qoǵamdyq birlestikter men úkimettik emes uıymdar spıkerlerge «Jastar uıymdarymen qandaı áriptestik baılanystar bar? Atalmysh uıymǵa qandaı usynys beriledi? Forým barysynda nendeı pikirler aıtylmaq?» syndy birqatar saýaldarǵa jaýap aldy.

Plenarlyq seksıa barysynda aıtylǵan usynystar hattamaǵa jazylyp, tıisti oryndarǵa joldanady.