Búgin Túrkistan oblysynda «Jumys kúshiniń mobildiligin arttyrý úshin erikti túrde qonys aýdarýǵa járdemdesý» baǵytyda ótetin óńiraralyq «Qonys aýdarý» jármeńkesi bastaldy. Jármeńkeni halqy tyǵyz ornalasqan Saryaǵash pen Sairam aýdanynda jáne Túrkistan qalasynda ótkizý josparlanǵan.
Is-sharaǵa Abai, Qaraǵandy, Pavlodar, Soltústik Qazaqstan, Ulytaý jáne Shyǵys Qazaqstan oblysynan jalpy 73 ókil qatysyp jatyr. Atalǵan jármeńkege 6 óńir boiynsha barlyǵy 11 657 bos jumys orny usynalady. Onyń ishinde Soltústik Qazaqstan oblysy – 1246, Abai oblysy – 1279, Shyǵys Qazaqstan oblysy – 2393, Pavlodar oblysy – 3464, Ulytaý oblysy – 523, Qaraǵandy oblysy – 2752 bos jumys orny bar.
Túrkistan oblysy máslihat depýtattary – Jańabai Aǵabekov jáne Ýálihan Rahiev, oblystyq jumyspen qamtýdy úilestirý jáne áleýmettik baǵdarlamalar basqarmasy basshysynyń orynbasary Kúmis Mirova, Saryaǵash aýdany ákiminiń orynbasary Aldiiar Qozybaev qatysyp, sóz sóiledi.
2015 jyldan beri Túrkistan oblysynan elimizdiń jumys kúshi jetispeitin Soltústik óńirlerge halyqty qonystandyrý jumystary júrgizilýde. Nátijesinde oblystan 2015-2023 jyldar aralyǵynda 13 758 adam qonys aýdarǵan. 2023 jyldyń qorytyndysymen respýblika boiynsha 6 727 kvota belgilense, onyń 29,3%-y Túrkistan oblysynan qonys aýdarǵandar. Al 2024 jylǵa QR Eńbek jáne halyqty áleýmettik qorǵaý ministrligi tarapynan respýblika boiynsha 7050 kvota bólingen.
Aita ketsek, kóshý shyǵystaryn óteý baǵdarlama qatysýshylaryna jáne olardyń otbasy múshelerine bir ret 70 AEK (258 440 tg) mólsherinde kómek beriledi.
