Biylǵy jyldyń 9 aiynyń qorytyndysy boiynsha Túrkistan oblysynyń 300-den astam ónerkásip kásiporyndarymen 323,9 mlrd.teńgeniń ónimi óndirilip, naqty kólem indeksi 97 paiyzdy qurady.
Búgin bul týraly Túrkistan oblysynyń Óńirlik kommýnikatsiialar qyzmetinde ótken brifingte Kásipkerlik jáne indýstrialdy innovatsiialyq damý basqarmasynyń basshysy Ǵanibet Áýbákirov málimdedi.
Onyń aitýynsha, kásipkerlikti qoldaý kartasy aiasynda aǵymdaǵy jyly 16,8 mlrd. teńgeni quraityn 9 jobany iske qosý josparlanǵan. Onyń ishinde 4 joba qazirgi tańda iske qosyldy.
«Túrkistan oblysynda aǵymdaǵy jyly iske qosylǵan jobalardyń qatarynda
Ordabasy aýdanyndaǵy PET qaldyqtaryn jáne shpateldi talshyqtar óndiretin «Green technology industries» zaýyty, Túrkistan qalasyndaǵy túie men bie sútin óńdeitin «Golden Camel Group LTD» kásiporny, Sút-taýar fermasy bazasynda eshki sútin qaita óńdeityn «Ordabasy eshki sút ónimderi» JShS-i, sondai-aq, Qazyǵurt aýdanyndaǵy alkogolsiz sýsyndar óndiretin «Kórik» sharýa qojalyǵy bar.
Budan ózge, Túrkistan oblysynda 2015-2019 jyldarǵa arnalǵan kásipkerlikti qoldaý kartasyna jalpy investitsiia kólemi 426 mlrd. teńgeni quraityn 87 joba engizilip, jańadan 11 myń jumys orny ashylatyn bolady», - dedi Ǵanibet Qanatuly.
Qazirgi tańda Túrkistan oblysynda 9 indýstrialdy aimaq jumys isteidi.
Aýdan, qalalardaǵy indýstrialdy aimaqtardyń jalpy jer aýmaǵy 533 gektardy quraidy. Búgingi kúni Túrkistan oblysynyń indýstrialdy aimaqtarynda jalpy quny 80 mlrd. teńgeni quraityn 61 joba iske qosylýda. Nátijesinde 3 000 jumys orny ashylmaq. Atalǵan 61 jobanyń ishinde búgingi kúni iske qosylǵan jobalar sany – 22 kásiporyn.
