Túrkistanda Qazaqstan men Ózbekstannyń III óńiraralyq yntymaqtastyq forýmy bastaldy
Erteń eki eldiń premer-ministrleri saýda-ekonomikalyq yntymaqtastyqty damytýdyń ózekti máselelerin talqylaidy dep kútilýde.
Búgin Forýmnyń birinshi kúni aiasynda eki eldiń isker top ókilderiniń kezdesýleri ótti. Qazirdiń ózinde 40-tan astam B2B kezdesýleri ótti.
Kelissózder nátijesinde jasalǵan kelisim-sharttardyń jalpy somasy 200 million dollardan asty.
QR Saýda jáne Integratsiia ministrliginiń málimetinshe, 2021 jyldyń 9 aiynda Qazaqstan men Ózbekstan arasyndaǵy taýar ainalymy 2 886,9 mln AQSh dollaryn qurady, bul 2020 jyldyń sáikes deńgeiinen 28,5%-ǵa joǵary. Onyń ishinde 2 098,2 mln. AQSh dollary – Qazaqstannan taýar eksporty (ósim 30,1%).
Qazaqstannyń Ózbekstanǵa eksportynyń negizgi ónimderi: legirlenbegen bolattan jasalǵan jartylai fabrikattar, legirlenbegen bolattan jasalǵan jalpaq prokat, avtomobilder, mys kontsentrattary, aýyl sharýashylyǵy ónimderi (bidai, un, soia maiy jáne t.b.).
Ózbekstannan keletin negizgi import – jemis-jidekter, kirpish pen qurylys materialdary, keramika, etilen polimerler.
