Simpoziýmǵa Túrkiianyń «Liv Ýlýs» klinikasynyń bilikti dárigerleri arnaiy keldi. Búginde Túrkiiada atalmysh mekemeniń 17 qalada 37 aýrýhanasy bar. Jiynda alǵashqy bolyp hirýrgiia salasynda 33 jyldyq tájiribesi bar Selami myrza sóz sóiledi. Onyń aitýynsha, pandemiia jaǵdaiynda B2B formatynda kezdesý uiymdastyrý dárigerler úshin zor múmkindik.
– Búgingi kezdesý biz úshin óte mańyzdy. 33 jyl hirýrgiia salasynda qyzmet etip kelemin. Meniń Qazaqstannan keletin naýqastarym kóp bolǵan. Bir baiqanaym qazaqstandyq dárigerlerdiń tájiribesi mol. Sondyqtan búgingi jiyn barlyǵymyz úshin paidasy zor. Biz ózara tájiribemen bólisip, biliktiligimizdi arttyratyn bolamyz, – deidi professor Selami Seziýbir.
Elimizde jyl saiyn ana men bala densaýlyǵyn saqtaýǵa erekshe kóńil bólinip keledi. Prezident Joldaýlarynda, densaýlyq saqtaý salasyn damytýǵa arnalǵan baǵdarlamalarda bul másele nazardan tys qalǵan emes.
