سيمپوزيۋمعا تۇركيانىڭ «ليۆ ۋلۋس» كلينيكاسىنىڭ بىلىكتى دارىگەرلەرى ارنايى كەلدى. بۇگىندە تۇركيادا اتالمىش مەكەمەنىڭ 17 قالادا 37 اۋرۋحاناسى بار. جيىندا العاشقى بولىپ حيرۋرگيا سالاسىندا 33 جىلدىق تاجىريبەسى بار سەلامي مىرزا ءسوز سويلەدى. ونىڭ ايتۋىنشا، پاندەميا جاعدايىندا B2B فورماتىندا كەزدەسۋ ۇيىمداستىرۋ دارىگەرلەر ءۇشىن زور مۇمكىندىك.
– بۇگىنگى كەزدەسۋ ءبىز ءۇشىن وتە ماڭىزدى. 33 جىل حيرۋرگيا سالاسىندا قىزمەت ەتىپ كەلەمىن. مەنىڭ قازاقستاننان كەلەتىن ناۋقاستارىم كوپ بولعان. ءبىر بايقاناىم قازاقستاندىق دارىگەرلەردىڭ تاجىريبەسى مول. سوندىقتان بۇگىنگى جيىن بارلىعىمىز ءۇشىن پايداسى زور. ءبىز ءوزارا تاجىريبەمەن ءبولىسىپ، بىلىكتىلىگىمىزدى ارتتىراتىن بولامىز، – دەيدى پروفەسسور سەلامي سەزيۋبير.
شاراعا سونداي-اق، تۇركىستان وبلىسىنىڭ دارىگەرلەرى دە قاتىسۋدا. ايماقتا بۇگىندە جالپى 23 429 مەديسينا قىزمەتكەرى بار. ونىڭ 5000-نان استامى دارىگەرلەر، قالعاندارى ورتا بۋىن ماماندارى.
ەلىمىزدە جىل سايىن انا مەن بالا دەنساۋلىعىن ساقتاۋعا ەرەكشە كوڭىل ءبولىنىپ كەلەدى. پرەزيدەنت جولداۋلارىندا، دەنساۋلىق ساقتاۋ سالاسىن دامىتۋعا ارنالعان باعدارلامالاردا بۇل ماسەلە نازاردان تىس قالعان ەمەس.
