Túrkistan qalasynda qolóner buiymdaryn jasaý erteden kele jatqan úrdis. Bul isti odan ári jandandyrý maqsatynda turaqty túrde qolónershiler kórmeleri, saiystar, is-sharalar uiymdastyrylýda, dep habarlaidy Dalanews.kz Túrkistan oblysy ákiminiń baspasóz qyzmetine silteme jasap.
Óńirdiń qolóner sheberleri respýblikalyq jáne halyqaralyq kórmelerge belsene qatysyp keledi.
Atap aitsaq, 2023 jyldyń 6-10 aqpan kúnderi aralyǵynda qolóner salasyna zertteý jumystary júrgizildi. Túrkistan qalasy ákimdiginiń uiymdastyrýymen Birlestik múshelerinen quralǵan qolóner sheberleriniń dellegatsiiasy Ózbekstan Respýblikasynyń Samarqand qalasy men Ferǵana oblysynda boldy. Jumys sapary barysynda ózbek ultynyń qolónerimen tanysyp, tájiribie almasty.
Qala qolónershileri halyqaralyq TIýRKSOI uiymynyń uiymdastyrýymen ótken jyldyń 4-13 mamyr kúnderi aralyǵynda Ázerbaijan Respýblikasynyń Shýsha qalasynda ótken «Túrki áleminiń mádeni astanasy – Shýsha 2023» resmi ashylý saltanatyna jáne «Hary-biýlbiýl» halyqaralyq folklorlyq festivaline qatysty. Bul is-sharalarǵa Qazaqstanmen qatar, Ózbekstan, Tájikstan, Qyrǵyzstan siiaqty túrkitildes memleketterdiń ókilderi de boldy. Aýqymdy is-sharada kópshilikke qazaqtyń ulttyq taǵamdary men qolóner sheberleriniń eń úzdik buiymdary qoiylǵan kórme-jármeńkesi usynyldy. Qazaqstandyq delegatsiia joǵary baǵa alyp, túrki halqynyń ystyq yqylasyna bólendi.
2024 jyl – Qytaidaǵy «Qazaqstannyń týrizm jyly» bolyp belgilendi. Osyǵan orai, 28-30 naýryz aralyǵynda Beijiń qalasynda aýqymdy is-sharalar men forýmdar ótti. Oǵan Túrkistan oblysynyń týrizm salasynyń ókilderi men Qolóner odaǵynyń sheberler belsene qatysty. Halyqaralyq kórmege kelýshilerdiń nazaryna Qolóner odaǵynyń sheberleri men shákirtteriniń qaitalanbas qolónerler týyndylary usynyldy.
2024 jyldyń 7-9 maýsym kúnderi Túrkistanda «Shyǵys bazary» túrki halyqtary qolóner sheberleriniń simpoziýmy ótti. «Túrkistan – túrki áleminiń týristik astanasy» atanýyna bailanysty uiymdastyrylǵan simpoziýmǵa Túrkiia, Ózbekstan, Ázerbaijan, Qyrǵyzstan, Tájikstan elderinen jáne elimizdiń ár aimaǵynan ozyq úlgili 30-ǵa jýyq qolóner sheberi qatysty. Halyqaralyq sharaǵa qatysýshylar zergerlik, keramika, toqyma, ulttyq kiimder tigý, quraq tigý, keste tigý, kiiz basý, aǵash oiý, bylǵaryny kórkemdep óńdeý jáne basqa da qolóner túrleri boiynsha qaitalanbas týyndylaryn kópshilik nazaryna usyndy.
Qolónershilerdi qoldaý, túrki memleketter arasynda mádeni bailanysty nyǵaitý jáne týrizmdi odan ári damytý baǵytyndaǵy jumystar jalǵasyn tabady.
Aita keteiik, Túrkistan qalasynda «Turkistan Qol oner» odaǵy qoǵamdyq birlestigi jumys jasaidy. Odaq quramynda 115 múshe bar. Sonymen qatar, Túrkistan qalasynyń balalar qolóner mektebinde 475 oqýshy óz ónerin shyńdap jatyr.
