Túrkistan oblysynda memlekettik-jekeshelik áriptestik aiasynda jańǵyrtylǵan ondaǵan mektep ashanasy sanitarlyq talapsyz qyzmet kórsetken, dep habarlaidy Dalanews.kz.
Bas prokýratýranyń málimetinshe, oblys prokýratýrasy bilim berý uiymdaryndaǵy ashanalardyń sanitarlyq-epidemiologiialyq talaptarǵa sáikestigin taldaǵan. Nátijesinde, kásipkerler jańǵyrtyp, paidalanýǵa bergen 70 mektep ashanasynyń mindetti sanitarlyq-epidemiologiialyq qorytyndysyz jumys istegeni anyqtalǵan.
Osyǵan bailanysty prokýratýra oblystyq ákimdik pen sanitarlyq-epidemiologiialyq baqylaý departamentiniń atyna qadaǵalaý aktilerin engizdi.
Qabyldanǵan sharalardyń nátijesinde 50 mektep qajetti sanitarlyq-epidemiologiialyq qorytyndy alyp, 12 184 oqýshyny talapqa sai tamaqtandyrý múmkindigi qamtamasyz etildi.
Jol berilgen zańbuzýshylyqtar úshin mektep basshylary men kásipkerlerge qatysty Ákimshilik quqyqbuzýshylyq týraly kodekstiń 463-babynyń 1-bóligi boiynsha 81 ákimshilik is qozǵalyp, salynǵan aiyppuldardyń jalpy somasy 7,3 mln teńgeden asty.
