تۇركىستان وبلىسىندا مەملەكەتتىك-جەكەشەلىك ارىپتەستىك اياسىندا جاڭعىرتىلعان ونداعان مەكتەپ اسحاناسى سانيتارلىق تالاپسىز قىزمەت كورسەتكەن، دەپ حابارلايدى Dalanews.kz.
باس پروكۋراتۋرانىڭ مالىمەتىنشە، وبلىس پروكۋراتۋراسى ءبىلىم بەرۋ ۇيىمدارىنداعى اسحانالاردىڭ سانيتارلىق-ەپيدەميولوگيالىق تالاپتارعا سايكەستىگىن تالداعان. ناتيجەسىندە، كاسىپكەرلەر جاڭعىرتىپ، پايدالانۋعا بەرگەن 70 مەكتەپ اسحاناسىنىڭ مىندەتتى سانيتارلىق-ەپيدەميولوگيالىق قورىتىندىسىز جۇمىس ىستەگەنى انىقتالعان.
وسىعان بايلانىستى پروكۋراتۋرا وبلىستىق اكىمدىك پەن سانيتارلىق-ەپيدەميولوگيالىق باقىلاۋ دەپارتامەنتىنىڭ اتىنا قاداعالاۋ اكتىلەرىن ەنگىزدى.
قابىلدانعان شارالاردىڭ ناتيجەسىندە 50 مەكتەپ قاجەتتى سانيتارلىق-ەپيدەميولوگيالىق قورىتىندى الىپ، 12 184 وقۋشىنى تالاپقا ساي تاماقتاندىرۋ مۇمكىندىگى قامتاماسىز ەتىلدى.
جول بەرىلگەن زاڭبۇزۋشىلىقتار ءۇشىن مەكتەپ باسشىلارى مەن كاسىپكەرلەرگە قاتىستى اكىمشىلىك قۇقىقبۇزۋشىلىق تۋرالى كودەكستىڭ 463-بابىنىڭ 1-بولىگى بويىنشا 81 اكىمشىلىك ءىس قوزعالىپ، سالىنعان ايىپپۇلداردىڭ جالپى سوماسى 7،3 ملن تەڭگەدەن استى.
