Túrkistan qalasynda ógei ákesi óziniń uly men kelinin óltirdi. Bul týraly aqparatty jýrnalist Aika Aitahanova jelidegi paraqshasynda habarlady, dep jazady dalanews.kz.
Jýrnalistiń málimetinshe, erli-zaiyptylar Qyzylordadan anasynyń jerleý rásimine kelgen. Alaida keiin ákesi men ulynyń arasynda janjal týyndaǵan.
Janjaldyń sońy qaiǵyly jaǵdaiǵa ulasyp, ákesi uly men kelinin óltirgen. Osydan keiin ol politsiiaǵa ózi habarlasyp, bolǵan jaǵdaidy aityp bergen.
Kórshilerdiń sózinshe, marqumdardyń biriniń denesi úidiń ishinen, ekinshisiniki aýladan tabylǵan.
Olar kúdiktini burynnan jaqsy adam retinde biletinderin aityp, onyń mundai áreketke barǵanyna áli de sene almai otyrǵandaryn jetkizdi.
Oqiǵanyń naqty neden bastalǵany men qylmystyń ózge de mán-jaiyn quqyq qorǵaý organdary anyqtap jatyr.
