Jańa ortalyqtyń ashylý saltanatyna Túrkistan oblysynyń ákimi Ómirzaq Shókeev, «Azamattarǵa arnalǵan úkimet» memlekettik korporatsiiasynyń tóraǵasynyń orynbasary Birjan Júnisov, «Azamattarǵa arnalǵan úkimet» memlekettik korporatsiiasynyń Túrkistan oblysy boiynsha filialynyń direktory Erjan Jeńisbekov, Túrkistan oblystyq politsiia departamentiniń basshysy Qairat Dálbekov qatysty.
«Azamattarǵa arnalǵan úkimet» memlekettik korporatsiiasynyń tóraǵasynyń orynbasary Birjan Júnisov ortalyqtyń ashylýymen quttyqtap, ortalyqtyń maqsatyn keń kólemdi túsindirip ótti.
– Buryn sheteldikter jumys isteýge ruqsat alý úshin, birneshe kún túrli mekemeni aralaýǵa májbúr edi. Endi olar JSN alý, salyq tóleý, meditsinalyq tekseristen, daktiloskopiiadan ótý, saqtandyrý anyqtamasyna qol jetkizý sekildi qujattardy bir jerde, bir saǵattyń ishinde rásimdeý múmkindigine ie boldy. Memlekettik qyzmetter belgilengen ýaqyt reglamentine sai elektrondyq kezek arqyly arnaiy jabdyqtalǵan jumys oryndarynda júzege asyrylady. Bul migranttar úshin ǵana emes, jumys berýshi úshin de óte qolaily. Jańa MHQO jumys barysyn jeńildetip qana qoimai, sybailas jemqorlyq áreketteriniń aldyn-alýǵa jol ashady, – dedi Birjan Júnisov.
Sonymen qatar, biylǵy jyldyń aqpan aiynan bastap «Azamattarǵa arnalǵan úkimet» memlekettik korporatsiiasynyń migratsiialyq HQO-sy arqyly kórsetiletin qyzmetter sany tolyqty. Endi Qazaqstan Respýblikasyna ýaqytsha keletin sheteldikter men azamattyǵy joq adamdar kóshi-qon qyzmetteri ortalyǵynyń qyzmetine júginetin bolady. Osyǵan deiin bul qyzmet tek QR IIM kóshi-qon komiteti tarapynan kórsetilgen bolatyn. Endi jańa qyzmet túrin paidalaný úshin sheteldik azamattyń ózimen birge kelesi qujattary bolýy tiis. Atap aitsaq, QR aimaǵyna kirýge vizasy bar sheteldiktiń ne azamattyǵy joq adamnyń jeke basyn kýálandyratyn jaramdy qujaty, shekarany kesip ótkeni týraly belgisi bar kóshi-qon kartochkasy, erkin túrde jazylǵan qoldaýhat.
Budan basqa, qyzmet alýshylar QR aimaǵyna 6 aidan artyq merzimge keletin bolsa, qosymsha toltyrylǵan 2 mekenjaiǵa kelý paraǵyn, kelý paraǵyna toltyrylǵan statistikalyq esepke alý talony men 3,5*4,5 kólemindegi bir fotosýret tapsyrýy kerek. Sondai-aq, jańadan qosylǵan qyzmetten bólek, munda sheteldikter jumys isteýge ruqsat beretin qujatty alyp, QR aýmaǵyna ýaqytsha keletinder jeke sáikestendirý nómirin rásimdei alady.
Aita keteiik, Túrkistan oblysynda biylǵy jyldyń basynan beri migratsiia baǵyty boiynsha 36 728 qyzmet kórsetilgen. Jańa front-ofis Túrkistan qalasy 160 kvartal 209-shy ǵimaratta ornalasqan. Ǵimarat qyzmet alýshylarǵa dúisenbiden senbi kúnderi aralyǵynda tańǵy saǵat 09.00-den keshki saǵat 20.00-ge deiin qyzmet kórsetedi.
Túrkistan oblysy ákiminiń baspasóz qyzmeti
