Túrkistanda mektep direktory qyzmetine úmitkerlerdiń konkýrsy tikelei efirde ótti
Bilim berý uiymdarynyń birinshi basshylaryn taǵaiyndaý QR Bilim jáne ǵylym ministriniń «Memlekettik orta, tehnikalyq jáne kásiptik, orta bilimnen keiingi bilim berý uiymdarynyń basshylaryn konkýrstyq ornalastyrý jáne memlekettik mektepke deiingi, orta tehnikalyq jáne kásiptik, orta bilimnen keiingi qosymsha bilim berý uiymynyń basshysy laýazymyna konkýrstyq taǵaiyndaý qaǵidalaryn bekitý týraly» 2012 jylǵy 21 aqpandaǵy №57 buiryǵyna ózgerister engizý týraly Qazaqstan Respýblikasy Bilim jáne ǵylym ministriniń 2021 jylǵy 19 qarashadaǵy №568 jáne Qazaqstan Respýblikasy Eńbek jáne halyqty áleýmettik qorǵaý ministriniń 2021 jylǵy 22 qarashadaǵy №432 birlesken buiryǵyna (Budan ári – Buiryq) sáikes konkýrstyq negizde júrgizildi.
Konkýrstyń áńgimelesý kezeńi áleýmettik jelilerde tikelei kórsetilim arqyly jariialandy. Sonymen qatar úmitkerlerden tikelei kórsetilim jasaýǵa kelisim alyndy. Buiryq erejesine sáikes, komissiia quryldy. Jariialanymda áńgimelesý kezeńine – baiqaýshylardyń qatysýǵa bolatyndyǵy eskertildi. Búgingi áńgimelesýge 54 mekemege 73 úmitker qatysty.
Úmitkerdi baǵalaý ashyq daýys berýmen júrgiziledi. №10 qosymshadaǵy baǵalaý paraǵy qosa tirkeldi. Sondai-aq komissiia músheleri tolyqty. Qazirgi tańda «Áńgimelesý» kezeńinde 9 komissiia múshesi bar. Buiryq talabyna sai osy kezeńge deiin úmitkerler qujat tirkeý, test, qamqorshylyq keńes kezeńderinen ótken. Komissiianyń ashyq daýys berý tártibimen 13 mekemege úmitker anyqtaldy.
